ກອງປະຊຸມໂອເປັກມີມະຕິຫຼຸດກຳລັງການຜະລິດນ້ຳມັນດິບລົງເປັນເທື່ອທຳອິດໃນຮອບ 8 ປີ ນັບຕັ້ງແຕ່ເດືອນມັນກອນປີ 2017 ສົ່ງຜົນເຮັດໃຫ້ນ້ຳມັນດິບເພີ່ມຂຶ້ນ 10%.
ຕາມຂ່າວຕ່າງປະເທດລາຍງານວ່າ: ກອງປະຊຸມອົງການກຸ່ມປະເທດຜູ້ສົ່ງອອກນ້ຳມັນ(ໂອເປັກ)ມີມະຕິໃນກອງປະຊຸມໃນວັນທີ 30 ພະຈິກທີ່ຜ່ານມາປັບຫຼຸດກຳລັງການຜະລິດນ້ຳມັນລົງ 1,2 ລ້ານບາເຣລຕໍ່ມື້ເລີ່ມຕັ້ງແຕ່ເດືອນມັງກອນປີໜ້າເປັນຕົ້ນໄປຊຶ່ງຈະສົ່ງຜົນໃຫ້ປະລິມານການຜະລິດນ້ຳມັນຂອງໂອເປັກເຫຼືອປະມານ 10,06 ລ້ານບາເຣລຕໍ່ມື້ຖືເປັນການປັບຫຼຸດກຳລັງການຜະລິດນ້ຳມັນເປັນເທື່ອທຳອິດນັບຕັ້ງແຕ່ເດືອນທັນວາປີ 2008, ທັງນີ້ຊາອຸດິດອາຣັບບີຊຶ່ງເປັນປະເທດຜູ້ຜະລິດນ້ຳມັນລາຍໃຫຍ່ທີ່ສຸດຂອງໂລກຈະປັບຫຼຸດກຳລັງການຜະລິດລົງມື້ລະ 5 ແສນບາເຣລຄິດເປັນ 5,4% ຂອງລະດັບປົກກະຕິໃນປະຈຸບັນຂະນະທີ່ກຸ່ມປະເທດທີ່ບໍ່ແມ່ນສະມາຊິກໂອເປັກເຊັ່ນ:ຣັດເຊຍກຽມປັບຫຼຸດກຳລັງການຜະລິດລົງ 6 ແສນບາເຣລຕໍ່ມື້.
ລາຄານ້ຳມັນດິບໃນຕະຫຼາດໂລກປັບຕົວເພີ່ມຂຶ້ນທັນທີຫຼັງມະຕິຂອງໂອເປັກໂດຍລາຄານ້ຳມັນດິບເບຣນທະເລເໜືອລອນດອນເພີ່ມຂຶ້ນ 10% ປິດຢູ່ທີ່ 51,94 ໂດລາສະຫະລັດຕໍ່ບາເຣລ ແລະ ລາຄານ້ຳມັນດິບເວສເທກຊັສອິນເຕີມີດຽດ(ດັບເບິລຢູທີໄອ) ຂອງອາເມລິກາປິດຕະຫຼາດຢູ່ທີ່ 49,53 ໂດລາຕໍ່ບາເຣລເພີ່ມຂຶ້ນ 9%.
ເສດຖະກິດ-ສັງຄົມ