ສາຍການບິນສັນຊາດອາເມລິກາເປີດຖ້ຽວບິນປະຫວັດສາດຖ້ຽວທຳອິດຈາກນະຄອນຫຼວງນິວຢອກ ແລະ ຟໍຣິດາໄປຍັງນະຄອນຫຼວງລາຮາວານຂອງກູບາແລ້ວ.
ອີງຕາມສໍານັກຂ່າວຕ່າງປະເທດລາຍງານວ່າ: ສາຍການບິນເຈດບລູ (Jet blue)ຂອງ ສ. ອາເມລິກາ ໄດ້ເປີດບໍລິການຖ້ຽວບິນໂດຍສານຖ້ຽວທໍາອິດໂດຍອອກຈາກສະໜາມບິນເຈເອຟເຄ ໃນນະຄອນນິວຢອກເພື່ອໄປຍັງນະຄອນຫລວງ ລາຮາວານ ຂອງ ກູບາ ໃນຮອບ 50 ປີ ພາຍຫລັງ ສ.ອາເມລິກາ ແລະ ກູບາ ໄດ້ລົງນາມຟື້ນຟູເສັ້ນທາງບິນ ແລະ ເປັນການເພີ່ມທະວີຮ່ວມມືຄັ້ງສຳຄັນ.
ທັງນີ້ເດືອນກຸມພາທີ່ຜ່ານມາ ອາເມລິກາ ແລະ ກູບາ ໄດ້ລົງນາມຟື້ນຟູເສັ້ນທາງການບິນຊຶ່ງຖືເປັນການພັດທະນາຄວາມສຳພັນຄັ້ງສຳຄັນທີ່ທ່ານຣາອູລ ຄາສໂຕ ຜູ້ນຳກູບາ ແລະ ທ່ານ ບາຣັກ ໂອບາມາ ປະທານາທິບໍດີອາເມລິກາຖືເປັນການຟື້ນຟູຄວາມສຳພັນຂັ້ນປົກກະຕິຕໍ່ກັນເປັນເທື່ອທຳອິດໃນຮອບ 2 ປີ.
ຈາກໜັງສືພິມເສດຖະກິດ-ສັງຄົມ