ສປ ຈີນ ​ກຽມ​ເປີດ​ນຳ​ໃຊ້​ລົດ​ໄຟ​ຄວາມ​ໄວ​ສູງ​ສາຍ​ໃໝ່ ທີ່​ແລ່ນ​ລະຫວ່າງ​ເມືອງ​ຊຽງ​ໄຮ້ ​ແລະ ຄຸນ​ໝິ​ງ ​ໃນ​ເດືອນ​ທັນວາ​ນີ້.

ອີງຕາມສໍານັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຈີນ​ກຽມ​ເປີດ​ນຳ​ໃຊ້​ລົດ​ໄຟ​ຄວາມ​ໄວ​ສູງ​ສາຍ​ໃໝ່ ທີ່​ແລ່ນ​ລະຫວ່າງ​ເມືອງ​ຊຽງ​ໄຮ້ ​ແລະ ຄຸນ​ມໝິງ ​ໃນ​ເດືອນ​ທັນວາ​ນີ້ ​ໂດຍ​ເສັ້ນທາງ​ດັ່ງກ່າວ​ມີ​ຄວາມ​ຍາວ 2.300 ກິ​ໂລ​ແມັດ ​ແລະ ​ໃຊ້​ເວລາ​ຈາກ​ຊຽງ​ໄຮ້​ໄປ​ຄຸນ​ໝິງພຽງ 9 ຊົ່ວ​ໂມງ​ເທົ່າ​ນັ້ນ ດ້ວຍ​ຄວາມ​ໄວ 350 ກິ​ໂລ​ແມັດ​ຕໍ່​ຊົ່ວ​ໂມງ ຂະນະ​ທີ່​ເສັ້ນທາງ​ລົດ​ໄຟ​ສາຍ​ຕົ້ນຕໍ​ຂອງ​ຈີນສາຍ​ປັດຈຸ​ບັນ​ແລ່ນ​ດ້ວຍ​ຄວາມ​ໄວ​ພຽງ 35-40 ກິ​ໂລ​ແມັດ​ຕໍ່​ຊົ່ວ​ໂມງ​​ເທົ່າ​ນັ້ນ.​ໂດຍ​ລົດ​ໄຟ​ຄວາມ​ໄວ​ສູງ​ສາ​ຍຊຽງ​ໄຮ້-​ຄຸນ​ໝິງ​ເປີດ​ໃຫ້​ບໍລິການ​ເຖິງ​ມົນທົນ​ກຸຍ​ໂຈ​ວ​ແລ້ວ​ຊຶ່ງ​ຜ່ານ​​ເມືອງ​ສຳຄັນ​ເຊັ່ນ: ຫາງ​ໂຈ​ວ,  ໜານ​ຊາງ, ສາງ​ຊາ​ເປັນ​ຕົ້ນ ຊຶ່ງ​ຫວັງ​ວ່າ ​ໃນ​ອະນາຄົດ​ຕໍ່ໜ້າ​ຈະ​ຂະຫຍາຍ​ເສັ້ນທາງ​ສູ່​ອາຊີ​ຕາ​ເວັນ​ອອກ​ຊຽງ​ໃຕ້, ມີ​ການ​ລາຍ​ງານ​ວ່າ​ປີ້ລົດ​ໄຟ​ຄວາມ​ໄວ​ສູ​ງລາຍ​ດັ່ງກ່າວ​ມີ​ລາຄາ​ຢູ່​ທີ່​ປະມານ 700-750 ຢວນ.

ໜ່ວຍ​ງານ​ການທ່ອງທ່ຽວ​ຂອງ​ຄຸນ​ໝິງຄາດ​ວ່າ ​ເສັ້ນທາງ​ລົດ​ໄຟ​ຄວາມ​ໄວ​ສູງ​ສາຍ​ໃໝ່​ນີ້​ຈະ​ສົ່ງ​ຜົນ​ໃຫ້​ມີ​ນັກ​ທ່ອງ​ທ່ຽວ​ເພີ່​ມຂຶ້ນ 10-20% ​ແລະ ​ເພື່ອ​ສົ່ງ​ເສີມ​ການຈະ​ເລີ​ນ​ເຕີບ​ໂຕ​ດັ່ງກ່າວ ສະຖານ​ທີ່​ທ່ອງ​ທ່ຽວ​ທີ່​ສວຍ​ງາ​​ມ ​ແລະ ​ໂຮງ​ແຮມ​ກໍ​ຕ້ອງອອກມາດ​ຕະການ​ໃຊ້​ປີ້​ລົດ​ໄຟ​ຄວາມ​ໄວ​ສູງ​ສາຍ​ດັ່ງກ່າວ​ເປັນ​ສ່ວນ​ຫຼຸດຄ່າ​ເຂົ້າ​ຫຼື​ຄ່າ​ພັກ​ພາຍ​ໃນ​ເດືອນ​ທີ່​ລົດ​ໄຟ​ເປີດ​ໃຫ້​ບໍລິການ.

ຂ່າວຈາກໜັງສືພິມເສດຖະກິດ-ສັງຄົມ