ຕາມຂ່າວ Cri ລາຍງານວ່າ: ຟີລິບປີນກຽມຍົກເວັ້ນວິຊາໃຫ້ຜູ້ຖືໜັງສືຜ່ານແດນຂອງສປຈີນ ເພື່ອດຶງດູດນັກທ່ອງທ່ຽວ.
ຫວ່າງມໍ່ໆມານີ້, ເຈົ້າໜ້າທີ່ກະຊວງທ່ອງທ່ຽວຟີລິບປີນກ່າວວ່າ, ລັດຖະບານຟີລິບປີນພວມສຶກສາຄວາມເປັນໄປໄດ້ໃນການຍົກເວັ້ນວິຊາໃຫ້ແກ່ນັກທ່ອງທ່ຽວຈີນທີ່ຈະໄປທ່ຽວຟີລິບປີນ, ເພື່ອເພີ່ມນັກທ່ອງທ່ຽວຕ່າງປະເທດໄປທ່ຽວປະເທດຕົນໃຫ້ຫຼາຍຂຶ້ນ.ເຈົ້າໜ້າທີ່ກະຊວງທ່ອງທ່ຽວຟີລິບປີນກ່າວຕໍ່ສື່ມວນຊົນວ່າ, ນັກທ່ອງທ່ຽວຈີນມີຈຳນວນຫຼວງຫຼາຍ, ດັ່ງນັ້ນປີຜ່ານມານັກທ່ອງທ່ຽວຈີນໄປທ່ຽວຕ່າງປະເທດມີເຖິງ 120 ລ້ານເທື່ອຄົນ, ໃນນັ້ນປະມານ 5ແສນ ເທື່ອຄົນເດີນທາງມາທ່ຽວຟີລິບປີນ, ເຊິ່ງກວມເອົາສ່ວນໜ້ອຍທີ່ສຸດ. ອັນເປັນຜົນມາຈາກບັນຫາການອອກວິຊາແລະ ເປັນສາເຫດໜຶ່ງເຮັດໃຫ້ນັກທ່ອງທ່ຽວຈີນບໍ່ຢາກໄປທ່ຽວຟີລິບປີນ.
ຂະນະທີ່ໄທ, ມາເລເຊຍ, ສິງກະໂປແລະປະເທດອື່ນໆໃນອາຊີຕາເວັນອອກສຽງໃຕ້ລ້ວນແຕ່ຍົກເວັ້ນວິຊາຫຼືອອກວິຊາຜ່ານແດນໃຫ້ແກ່ນັກທ່ອງທ່ຽວຈີນ, ອັນສາມາດດຶງດູດນັກທ່ອງທ່ຽວໄດ້ຢ່າງຫຼວງຫຼາຍ. ກ່ອນໜ້ານີ້, ກະ ຊວງທ່ອງທ່ຽວຟີລິບປີນເຄີຍຕັ້ງເປົ້າສົ່ງເສີມນັກທ່ອງທ່ຽວຈີນໄປທ່ຽວຟີລິບປີນໃຫ້ໄດ້ 1 ລ້ານເທື່ອຄົນໃນປີ 2017.
ຂ່າວຈາກ: 
ຕິດຕາມຂ່າວເສດຖະກິດລາວ ກົດໄລຄ໌ເລີຍ!