ໃນປັດຈຸບັນມີຜູ້ຊາຍຫຼາຍຄົນທີ່ມີບັນຫາກ່ຽວກັບການມີລູກຍາກ ບໍ່່ວ່າຈະລອງວິທີໃດມາແລ້ວກໍຕາມກໍບໍ່ໄດ້ຜົນ ເຊິ່ງບາງຄັ້ງ ບັນຫາທີ່ແທ້ຈິງ ອາດເກີດຈາກພຶດຕິກຳບາງຢ່າງຂອງເຈົ້າໂດຍບໍ່ຮູ້ໂຕ, ແຕ່ມັນຈະສົ່ງຜົນກະທົບຕໍ່ການມີລູກຍາກກໍເປັນໄດ້, ມື້ນີ້ ແອັດມິນ ມີວິທີຊ່ວຍໃຫ້ອະສຸຈິຂອງຜູ້ຊາຍແຂງແຮງມາຝາກ
- ກິນໝາກເລັ່ນຫຼາຍໆ: ອະສຸຈິຫຼາຍກວ່າ 90% ຂອງຜູ້ຊາຍຈະມີຮູບຮ່າງທີ່ແຕກຕ່າງກັນ ຈຶ່ງມັກບໍ່ສາມາດເຂົ້າປະຕິສົນທິກັບໄຂ່ຂອງຜູ້ຍິງໄດ້ ແລະເຮັດໃຫ້ຜູ້ຍິງມີລູກຍາກ, ຈຶ່ງແນະນຳໃຫ້ກິນໝາກເລັ່ນຕະຫຼອດ ເພາະອຸດົມດ້ວຍສານຕ້ານອະນຸມູນອິດສະລະທີ່ເອີ້ນວ່າ ໄລໂຄປີນ ຊ່ວຍໃຫ້ອະສຸຈິສົມບູນ ແລະເພີ່ມໂອກາດໃຫ້ມີລູກງ່າຍ
- ການອອກກຳລັງກາຍ: ເພາະເຮັດໃຫ້ຮ່າງກາຍຜະລິດອະສຸຈິທີ່ແຂງແຮງໄດ້ຫຼາຍຂຶ້ນ ແລະມີອະສຸຈິຫຼາຍຂຶ້ນກວ່າຄົນບໍ່ອອກກຳລັງກາຍເຖິງ 33%
- ຫຼິ້ນມືຖືໃຫ້ໜ້ອຍລົງ: ເພາະປັດໄຈສຳຄັນທີ່ເຮັດໃຫ້ອະສຸຈິເຄື່ອນໂຕຊ້າ ເພາະຄື້ນແມ່ເຫຼັກໄຟຟ້າຈາກມືຖື ເຊິ່ງເກີດຈາກພຶດຕິກຳການໃຊ້ໂທລະສັບ ແລະເອົາຕິດໂຕໃສ່ຖົງໂສ້ງຕະຫຼອດ ທາງອອກທີ່ດີຄວນຫຼຸດການໃຊ້ມືຖື ຫຼືຫຼີກລຽງການເອົາໂທລະສັບໃສ່ຖົງໂສ້ງ
- ຫຼີກລຽງການໃຊ້ສານຫຼໍ່ລື່ນ: ຫາກຕ້ອງການມີລູກ ຄວນຢຸດໃຊ້ສານຫຼໍ່ລື່ນໃນຂະນະມີເຊັກສ໌ ເພາະມີສານເຄມີໃນປະລິມານຫຼາຍທີ່ຈະຂ້າອະສຸຈິໄດ້
- ຢ່າຫຼິ້ນຄອມພິວເຕີເທິງຕັກ: ເພາະການທີ່ເອົາຄອມພິວເຕີໄວ້ເທິງຕັກດົນໆ ຈະເປັນອັນຕະລາຍຕໍ່ເຊື້ອອະສຸຈິ ເພາະຄວາມຮ້ອນຈາກໂຕເຄື່ອງ ຈະເຮັດໃຫ້ໜ່ວຍອັນທະຜະລິດອະສຸຈິໄດ້ໜ້ອຍລົງ
- ຫຼຸດເຄື່ອງດື່ມທີ່ມີຄາເຟອິນ: ຜູ້ຊາຍຕ້ອງກິນເຄື່ອງດື່ມທີ່ມີຄາເຟອິນບໍ່ໃຫ້ເກີນ 300 ມີລີກລາມຕໍ່ມື້ ເພາະຄາເຟອິນ ຈະເຮັດໃຫ້ຈຳນວນອະສຸຈິຫຼຸດລົງ
- ຫຼຸດເຄື່ອງດື່ມແອວກໍຮໍ: ບາງຄົນຢາກມີລູກ ແຕ່ເຮັດແນວໃດເມຍກໍບໍ່ມີລູກຈັກເທື່ອ ເຊິ່ງອາດເປັນຕົ້ນເຫດມາຈາກການດື່ມທາດແອວກໍຮໍຂອງເຈົ້ານັ້ນເອງ ໂດຍສະເພາະຄົນທີ່ກິນຫຼາຍ, ຖ້າຢາກກິນແທ້ໆ ຄວນກິນມື້ລະ 2 ຈອກຕໍ່ມື້