ພະນັກງານຈັດລຽງສິນຄ້າໃນໂກດັງແຊ່ເຢັນ ຊາວຫວຽດນາມ ລອດຕາຍຢ່າງຫວຸດຫວິດ ເລຍນ້ຳກ້ອນ
ກິນເພື່ອເອົາຊີວິດລອດ ຫຼັງຕິດໃນຕູ້ແຊ່ເຢັນ 4 ມື້ເຕັມ.
ເມື່ອວັນທີ 27 ກໍລະກົດ 2014 ສຳນັກຂ່າວຕ່າງປະເທດລາຍງານວ່າ ທ້າວ ໄໝ ຕ໋ານ ສ່າງ ໜຸ່ມຊາວຫວຽດ
ນາມ ອາຍຸ 23 ປີ ທີ່ມີອາຊີບເປັນພະນັກງານຈັດລຽງສິນຄ້າໃນໂກດັງເຢັນ ໃຫ້ກັບໂຮງງານແຫ່ງໜຶ່ງ ໄດ້ຮັບ
ການຊ່ວຍເຫຼືອເອົາຊີວິດອອກມາຈາກຫ້ອງແຊ່ເຢັນແລ້ວເປັນທີ່ຮຽບຮ້ອຍ ຫຼັງຈາກຕິດຢູ່ໃນນັ້ນເຖິງ 103
ຊົ່ວໂມງ ຫຼື 4 ມື້ເຕັມໆ ຫຼັງຈາກຖືກສິນຄ້າຫຼົ່ນມາທັບໂຕເອງ ໂດຍເປີດເຜີຍວ່າ ຕ້ອງໄດ້ເລຍນ້ຳກ້ອນເພື່ອ
ກິນປະຄອງຊີວິດ.
ເຂົາຖືກນຳໂຕສົ່ງໂຮງໝໍທີ່ນະຄອນໂຮ່ຈິມິນທັນທີ ດ້ວຍອາການຄວາມດັນຕ່ຳຂັ້ນວິກິດ ເຊິ່ງແພດໄດ້ໃຫ້
ນ້ຳເກືອ ແລະ ເປີດໂຄມເພື່ອໃຫ້ຄວາມອົບອຸ່ນແກ່ຮ່າງກາຍ, ໃນຂະນະນີ້ເຂົາກຳລັງຢູ່ໃນລະຫວ່າງການພັກ
ຟື້ນ ໂດຍພະນັກງານກູ້ໄພທີ່ເຂົ້າໄປຊ່ວຍເຫຼືອເຜີຍວ່າ ທ້າວ ສ່າງ ຖືກກ່ອງສິນຄ້າບັນຈຸປາແຊ່ເຢັນທັບໄວ້
ທີ່ແຂນ ແລະ ຂາດ້ານໜຶ່ງ.
ທ້າວ ສ່າງ ເປີດເຜີຍວ່າ ເຂົາຮູ້ສຶກເກືອບຈະໝົດຫວັງແລ້ວ ຕອນທີ່ຖືກທັບໃນສະພາບແຊ່ເຢັນແບບນັ້ນ
ແຕ່ພໍຄິດເຖິງໃບໜ້າຂອງເມຍ ແລະ ລູກອາຍຸ 2 ເດືອນຢູ່ເຮືອນ ກໍໄດ້ຮັບກຳລັງໃຈວ່າ ເຂົາຈະຕ້ອງເອົາຊີ
ວິດຢູ່ລອດອອກໄປໃຫ້ໄດ້ ແລະ ໄດ້ປະຄອງຊີວິດ ດ້ວຍການເລຍນ້ຳກ້ອນທີ່ຢູ່ໃນຕູ້ແຊ່ ຈົນເຖິງໄດ້ຮັບການ
ຊ່ວຍເຫຼືອໃນທີ່ສຸດ.