ມະເຮັງເປັນພະຍາດທີ່ຮ້າຍແຮງທີ່ສຸດ ແລະເປັນຕາຢ້ານທີ່ສຸດ, ຖ້າປິ່ນປົວດີແລ້ວ ກໍສາມາດກັບຄືນມາເປັນໃໝ່ໄດ້, ດ້ວຍເຫດນີ້ ຄົນທີ່ເປັນມະເຮັງຫຼາຍຄົນ ຈຶ່ງເສຍຊີວິດຍ້ອນ, ເຖິງແມ່ນຈະໄດ້ຮັບການຮັກສາຢ່າງດີແລ້ວກໍຕາມ, ສຳລັບພຶດຕິກຳສ່ຽງຕໍ່ມະເຮັງນັ້ນ ມີດັ່ງນີ້
- ນອນເດິກ: ເຮັດໃຫ້ໂຮໂມນຕ້ານມະເຮັງຫຼັ່ງອອກມາ, ຈະເຮັດໃຫ້ເກີດພະຍາດຮ້າຍເຊັ່ນ: ຄວາມດັນເລືອດສູງ, ໄຂມັນສູງ ແລະຕຸ້ຍງ່າຍ
- ສູບຢາ ແລະກິນເຫຼົ້າ: ຈະເຮັດໃຫ້ປອດ ແລະຕັບເຮັດວຽກໜັກ ອີກຢ່າງເຮັດໃຫ້ແກ່ໄວ ແລະຕາຍໄວໄດ້ຈາກມະເຮັງ
- ກິນໄຂມັນ ແລະຊີ້ນຕະຫຼອດ: ໄຂມັນອິ່ມຕົວ ແລະໂປຣຕີນຈາກຊີ້ນ ເປັນແຫຼ່ງອາຫານຂອງມະເຮັງ ທີ່ໃຊ້ຈະເລີນເຕີບໂຕໄດ້ດີ
- ເຄັ່ງຄຽດຕະຫຼອດ: ການເຄັ່ງຄຽດເປັນສາເຫດໃຫ້ສານຊະນິດໜຶ່ງທີ່ຫຼັ່ງອອກມາຫຼໍ່ລ້ຽງມະເຮັງໃຫ້ເຕີບໂຕໄວ
- ໄວຣັດອັກເສບບີ ແລະເປັນພູມແພ້: ຄົນທີ່ມີພູມຕ້ານທານບໍ່ດີ, ບໍ່ມັກອອກກຳລັງກາຍ, ພັກຜ່ອນໜ້ອຍ ໂດຍສະເພາະຜູ້ທີ່ມີອາຍຸຫຼາຍ ທີ່ມີພູມຕ້ານທານຕໍ່າ ຈະເຮັດໃຫ້ມະເຮັງເຂົ້າຮ່າງກາຍໄດ້ງ່າຍ
- ເຮັດໃຫ້ຕົນເອງຕຸ້ຍ: ການປ່ອຍໃຫ້ຕົນເອງຕຸ້ຍ ຈະສ້າງໃຫ້ເກີດທາດແກ່ກ່ອນໄວອອກມາ ແລະໄຂມັນໃນຕົວ ຍັງສ້າງໃຫ້ເກີດໂຮໂມນກະຕຸ້ນມະເຮັງແບ່ງໂຕຫຼາຍຂຶ້ນ
- ຂາດວິຕາມິນ: ເພາະວິຕາມິນເຮັດໜ້າທີ່ຕ້່ານມະເຮັງ ບໍ່ໃຫ້ເກີດໃນຮ່າງກາຍ
- ກິນຮ້ອນຫຼາຍ: ເປັນຕົ້ນແມ່ນຊາຮ້ອນ, ກາເຟຮ້ອນ ຈະລວກເຊວຫຼອດອາຫານອັກເສບ, ເມື່ອອັກເສບຕະຫຼອດກໍຈະປ່ຽນເປັນເຊວມະເຮັງໄດ້ງ່າຍ
- ກັ້ນນໍ້າປັດສະວະ: ນໍ້າປັດສະວະເປັນສິ່ງເສດເຫຼືອຖ້າຢູ່ໃນຮ່າງກາຍດົນ ຈະເຮັດໃຫ້ເໝັນແຮງ ແລະຖ້າເໝັນຂຶ້ນໄປໃນກະເພາະຈະເຮັດໃຫ້ເກີດເປັນເຊວມະເຮັງໄດ້
- ກິນເຄັມ: ພົບວ່າຄົນທີ່ກິນເຄັມສ່ຽງເປັນມະເຮັງສູງ ໂດຍສະເພາະໃນອາຫານຈຳພວກຊີ້ນເຄັມ, ປາເຄັມ