ປະທານາທິບໍດີບຣາຊິນ ປະກາດໄຫວ້ທຸກ 3 ມື້ ໃຫ້ກັບຜູ້ເສຍຊີວດເຫດເຮືອບິນຂອງທີມ ຊາເປໂກເອນເຊ ຕົກທີ່ໂຄລົມເບຍ
ທ່ານ ມິເຊລ ເຕແມຣ ປະທານາທິບໍດີບຣາຊິນ ປະກາດໃຫ້ມີການໄຫວ້ທຸກເປັນເວລາ 3 ມື້ໃຫ້ກັບຜູ້ເສຍຊີວິດຈາກເຫດການເຮືອບິນເຊົ່າເໝົາລຳຂອງສາຍການບິນ ລາເມຍ ແອຣໄລ ທີ່ມຜູ້ໂດຍສານທັງໝົດ 81 ຄົນ ຮວມເຖິງນັກເຕະຂອງທີມ ຊາເປໂຄເອນເຊ ສະໂມສອນໃນລີກຂອງບຣາຊິນ ທີ່ປະສົບອຸບັດຕິເຫດເມື່ອຄືນຂອງວັນທີ 28 ພະຈິກ 2016 ທີ່ຜ່ານມາ ໃນລະຫວ່າງເດີນທາງໄປທີ່ສະໂມສອນນານາຊາດເມເດລລິນ ປະເທດໂຄລົມເບຍ ເພື່ອກຽມເຂົ້າຮ່ວມການແຂ່ງຂັນ ບານເຕະ ໂຄປາ ຊູດາເມຣິການາ ຮອບຮອງຊະນະເລີດ ນັກທຳອິດກັບ ສະໂມສອນແອດເລຕິໂກ ນາຊິອອງນາລ ຂອງໂຄລົມເບຍ ໃນເຫດການເຮືອບິນຕົກຄັ້ງນີ້ມີຜູ້ເສຍຊີວິດເບື້ອງຕົ້ນ 76 ຄົນ
ໂດຍຜູ້ນຳບຣາຊິນລະບຸວ່າ ຂໍສະແດງຄວາມເສຍໃຈກັບຊ່ວງເວລາອັນເສົ້າເມື່ອຫຼາຍຄອບຄົວຕ້ອງໄດ້ຮັບຜົນກະທົບໃນເຫດການຄັ້ງນີ້ ຈະໃຫ້ຄວາມຊ່ວຍເຫຼືອກັບຄອບຄົວຜູ້ເສຍຊີວິດໃນຮູບແບບທີ່ເຮົາສາມາດເຮັດໄດ້ ກອງທັບອາກາດ ແລະ ກະຊວງການຕ່າງປະເທດ ກຳລັງເລັ່ງປະສານງານ ແລະ ລັດຖະບານຈະເຮັດທຸກຢ່າງທີ່ເຮັດໄດ້ ເພື່ອຊ່ວຍບັນເທົາຄວາມເຈັບປວດຂອງບັນດາຍາດພີ່ນ້ອງຄອບຄົວຜູ້ກ່ຽວຂ້ອງກັບທີມ ຊາເປໂກເອນ
ຂ່າວຈາກ: http://news.sanook.com/2109734/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!