spot_img
Homeຂ່າວເຫດການກອງປະຊຸມສະໄຫມສາມັນເທື່ອທີ 7 ສະພາແຫ່ງຊາດຊຸດທີ VII ອັດລົງດ້ວຍຜົນສຳເລັດຈົບງາມ

ກອງປະຊຸມສະໄຫມສາມັນເທື່ອທີ 7 ສະພາແຫ່ງຊາດຊຸດທີ VII ອັດລົງດ້ວຍຜົນສຳເລັດຈົບງາມ

Published on

meeting sapha

 

ກອງ​ປະຊຸມ​ສະ​ໄໝສາມັນ​ເທື່ອ​ທີ 7 ສະພາ​ແຫ່ງ​ຊາດ​ຊຸດ​ທີ VII ໄດ້ອັດ​ລົງ​ດ້ວຍ​ຜົນສຳ​ເລັດອັນຈົບງາມ

ໃນຕອນບ່າຍ ຂອງວັນທີ 25 ກໍລະກົດນີ້ ພາຍຫລັງດຳເນີນມາແຕ່ວັນທີ 7 -25 ກໍລະ ກົດ 2014 ໂດຍ

ການໃຫ້ກຽດເຂົ້າຮ່ວມຂອງ ທ່ານ ຈູມ​ມາລີ ໄຊ​ຍະ​ສອນ ເລຂາທິການ​ໃຫຍ່​ຄະນະບໍລິຫານງານສູນກາງ

ພັກ, ປະທານປະເທດ, ທ່ານ ທອງສິງ ທຳມະວົງ ນາຍົກລັດຖະມົນຕີ ແລະ ຄະນະລັດຖະບານ, ອະດີດ

ການນຳຂັ້ນສູງ, ພ້ອມສະມາຊິກສະພາແຫ່ງຊາດ ແລະ ແຂກຖືກເຊີນ​ເຂົ້າຮ່ວມຢ່າງພ້ອມພຽງ.

 

ທ່ານນາງ ປານີ ຢາທໍ່ຕູ້ ປະ ທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມວ່າ: ກອງ​ປະຊຸມ

ຄັ້ງນີ້, ໄດ້ດຳເນີນມາບົນຈິດໃຈເສີມຂະຫຍາຍປະຊາທິປະໄຕ ແລະ ສະຕິປັນຍາລວມໝູ່ ແລະ ເຊີດຊູ

ຄວາມຮັບຜິດຊອບການເມືອງ ຂອງບັນດາສະມາຊິກສະພາແຫ່ງຊາດ ເຂົ້າໃນການພິຈາລະນາ ແລະ

ຮັບຮອງເອົາວຽກງານສຳຄັນຂອງຊາດ ເຊິ່ງກອງປະຊຸມ ໄດ້ພິຈາລະນາ ແລະ ຮັບ ຮອງເອົາບົດລາຍງານ

ຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ

ແຫ່ງລັດໄລຍະ 9 ເດືອນ ແລະ ວຽກງານຈຸດສຸມທ້າຍສົກປີ 2013- 2014, ແຜນດັດແກ້ງົບປະມານແຫ່ງ

ລັດສົກປີ 2013-2014 ແລະ ທິດທາງສົກປີ 2014-2015; ພິຈາລະນາ ແລະ ຮັບຮອງເອົາການສະເໜີ

ຂອງທ່ານນາຍົກລັດຖະມົນຕີກ່ຽວກັບການຍົກຍ້າຍ, ແຕ່ງຕັ້ງບຸກຄະລາກອນຈຳນວນໜຶ່ງໃນຄະນະ

ລັດຖະບານໂດຍ ໄດ້ຮັບຮອງເອົາການແຕ່ງຕັ້ງ ຮອງນາຍົກລັດຖະມົນຕີ 2 ທ່ານ ແລະ ລັດຖະມົນຕີວ່າ

ການ 2 ທ່ານ, ເຫັນດີຮັບຮອງເອົາການຍົກຍ້າຍລັດຖະມົນຕີວ່າການຈຳນວນ 2 ທ່ານ ໄປຮັບໜ້າທີ່ໃໝ່;

ພິຈາລະນາຮັບຮອງເອົາການເຄື່ອນໄຫວວຽກງານ ຂອງອົງການກວດສອບແຫ່ງລັດປະຈຳ ສົກປີ 2013-

2014 ແລະ ທິດທາງແຜນການເຄື່ອນໄຫວປະຈຳສົກປີ 2014-2015; ພິຈາລະນາ ແລະ ຮັບຮອງ ເອົາກົດ

ໝາຍ ຈຳນວນ 4 ສະບັບ, ໃນນັ້ນກົດໝາຍສ້າງໃໝ່ 2 ສະບັບ ຄື ກົດໝາຍ​ວ່າ​ດ້ວຍ​ການ​ຕ້ານ ແລະ ສະ

ກັດ​ກັ້ນການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍໍ່ການຮ້າຍ ແລະ ກົດໝາຍ​ວ່າ​ດ້ວຍ​ການ​

ກວດ​ສອບ​ເອກະລາດ; ກົດໝາຍ ປັບປຸງ 2 ສະ ບັບ ຄື: ກົດໝາຍວ່າ​ດ້ວຍ​ອາກອນ​ມູນ​ຄ່າ​ເພີ່ມ ແລະ

ກົດໝາຍ​ວ່າດ້ວຍມາດຖານ. ພ້ອມນີ້, ກອງປະຊຸມ ຍັງໄດ້ປະກອບຄຳເຫັນຕໍ່ບົດລາຍງານກ່ຽວກັບການ

ຈັດສັນ 3 ປ່າຄື: ປ່າປ້ອງກັນ, ປ່າສະຫງວນ ແລະ ປ່າຜະລິດ; ພິຈາລະນາ ແລະ ຮັບຮອງເອົາບົດລາຍງານ

ຂອງອົງການໄອຍະການປະຊາຊົນສູງສຸດ ແລະ ບົດລາຍງານຂອງສານປະຊາຊົນສູງສຸດກ່ຽວ ກັບການ

ເຄື່ອນໄຫວວຽກງານສົກປີ 2013-2014 ແລະ ແຜນວຽກສົກປີ 2014- 2015; ບົດ​ລາຍ​ງານການ​ເຄື່ອນ​ໄຫວ

ວຽກງານ​ຂອງ​ສະພາ​ແຫ່ງ​ຊາດປະຈຳ​ສົກ​ປີ 2013-2014 ແລະ ​ທິດທາງແຜນການປະຈຳ​ສົກປີ 2014-2015.

 

ນອກຈາກນີ້, ກອງປະຊຸມຍັງໄດ້ສະເໜີໃຫ້ອົງການກວດສອບແຫ່ງລັດ ເພີ່ມທະວີການສຶກສາອົບຮົມແນວ

ຄິດການເມືອງໃນຖັນແຖວພະນັກງານລັດຖະກອນ ມີຄຸນທາດການເມືອງ, ມີຈັນຍາບັນວິຊາຊີບໜັກ

ແໜ້ນ, ສ້າງຄວາມເຂັ້ມແຂງດ້ານວິຊາການໃຫ້ແກ່ນັກກວດສອບໃຫ້ມີຄຸນນະພາບ, ມີຄວາມຮູ້, ຄວາມ

ສາມາດ ແລະ ເປັນແບບຢ່າງນຳໜ້າໃນການປະຕິບັດລະບຽບກົດໝາຍ; ສືບຕໍ່ປັບປຸງນິຕິກຳເປັນຕົ້ນ

ແມ່ນມາດຕະການກວດສອບ, ມາດຕະຖານ ນັກກວດສອບ, ກົນໄກການປະສານງານລະຫວ່າງອົງການ

ກວດສອບແຫ່ງລັດ ແລະ ອົງການອື່ນໆທີ່ກ່ຽວຂ້ອງ ເພື່ອແກ້ໄຂຜົນການກວດສອບໃຫ້ມີຄວາມຄືບໜ້າ,

ປະກອບສ່ວນສະກັດກັ້ນບັນດາປາກົດການຫຍໍ້ທໍ້ ຢູ່ໃນກົງຈັກຂອງລັດໃຫ້ຫລຸດໜ້ອຍຖອຍລົງຢ່າງຕໍ່ເນື່ອງ;

ສະເໜີໃຫ້ຄະນະປະຈຳສະພາແຫ່ງຊາດ ຈົ່ງເພີ່ມທະວີການຊີ້ນຳ-ນຳພາ ແລະ ປັບປຸງຄຸນນະພາບການເຄື່ອນ

ໄຫວວຽກງານຂອງກົງຈັກເສນາທິການຂອງຕົນຢູ່ຂັ້ນສູນກາງ ແລະ ທ້ອງຖິ່ນ ແລະ ບັນຫາສຳຄັນອື່ນໆອີກ

ຈຳນວນໜຶ່ງ.

 

ແຫຼ່ງຂ່າວ: http://laophatthananews.blogspot.com/2014/07/7-vii_28.html

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...