ສຳນັກຂ່າວຕ່າງປະເທດລາຍງານວ່າ ລານສະເກັດນ້ຳແຂງໃນສວນສະໜຸກຂອງປະເທດຢີ່ປຸ່ນ ຖືກວິຈານຢ່າງໜັກ ຫຼັງນຳເອົາປາແຊ່ແຂງເປັນຕົ້ນໆ ມາຕົບແຕ່ງປະດັບທີ່ລານສະເກັດ ເກີດການປະນາມວ່າເປັນການກະທຳທີ່ຂາດສິນທຳ ແລະ ປ່າເທື່ອນ ບໍ່ເຫັນຄຸນຄ່າຂອງສັດນ້ຳ
ຕາມລາຍງານລະບຸວ່າ ທາງການຢີ່ປຸ່ນໄດ້ສັ່ງປິດລານສະເກັດນ້ຳແຂງທີ່ມີຊື່ວ່າ “ສະເປຊເວີລດ” ຕັ້ງຢູ່ໃນເມືອງ ຄິຕະຄິວຊູ ຈັງຫວັດຟຸກຸໂອກາດ ເນື່ອງຈາກເກີດກະແສຕໍ່ຕ້ານຢ່າງໜັກໃນໂລກອອນໄລນ໌ ເນື່ອງຈາກມີການນຳເອົາສັດນ້ຳແຊ່ແຂງ ນຳມາປະດັບຕົບແຕ່ງພື້ນລານສະເກັດນ້ຳແຂງ ເພື່ອຫວັງດຶງດູດຄວາມສວຍງາມ ແ່ຕ່ກັບໄດ້ຜົນທີ່ກົງກັນຂ້າມ
ລານສະເກັດນ້ຳແຂງແຫ່ງນີ້ໄດ້ຊື້ປາແຊ່ແຂງຈາກຕະຫຼາດປະມານ 5,000 ໂຕ ເພື່ອມາຕົບແຕ່ງໃຫ້ມັນໄດ້ບັນຍາກາດຄືກັບການຫຼິ້ນສະເກັດເທິງໜ້ານ້ຳທີ່ເຕັມໄປດ້ວຍສັດນ້ຳນານາຊະນິດ ສັດນ້ຳທີ່ມາຕົບແຕ່ງນັ້ນມີທັງ ປາ. ຫອຍ, ປູ ຂະໜາດນ້ອຍໃຫຍ່ຕ່າງກັນອອກໄປ ເຊິ່ງສື່ທ້ອງຖິ່ນຂອງຢີ່ປຸ່ນໄດ້ລົງພື້ນທີ່ສຳຫຼວດທີ່ລານສະເກັດແຫ່ງນີ້ ພົບວ່າປາບາງຊະນິດເຖິງຈະຖືກແຊ່ແຂງຄືກັບເຊຍຊີວິດແລ້ວ ແຕ່ເບິ່ງແລ້ວຄືພວກມັນຢູ່ໃນພາວະຈຳສິນ ແລະ ຍັງຟື້ນກັບມາລອຍນ້ຳໄດ້ອີກ ເຮັດໃຫ້ເກີດກະແສວິພາກວິຈານຢ່າງໜັກຈາກສັງຄົມ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!