ຝຣັ່ງຕ່າງຕື່ນເຕັ້ນ ສະໜາມບິນເຫ່ສີໃນເຂດປົກຄອງຕົນເອງກວ່າງຊີຈ້ວງ ສ້າງຢູ່ເທິງໜ່ວຍພູສູງ 600 ແມັດ ເປັນສິ່ງກໍ່ສ້າງທີ່ໜ້າຕື່ນຕາ ເປີດໃຫ້ບໍລິການມາແລ້ວ 2 ປີແລ້ວ.
ອີງຕາມສໍານັກຂ່າວຕ່າງປະເທດລາຍງານໃນວັນທີ່ 29 ພະຈິກ ວ່າ: ສະໜາມບິນເຫ່ສີໃນເຂດປົກຄອງຕົນເອງກວ່າງຊີຈ້ວງ ທາງຕອນໃຕ້ຂອງປະເທດຈີນ ກາຍເປັນສະຖານທີ່ສໍາຄັນຂອງພື້ນທີ່ ຫຼັງໄດ້ຮັບການຍົກຍ້ອງຈາກໂລກວ່າເປັນສິ່ງປູກສ້າງທີ່ໜ້າຕື່ນເຕັ້ນດ້ວຍການສ້າງສະໜາມບິນເອົາໄວ້ເທິງໜ່ວຍພູສູງ.
ສະໜາມບິນເຫ່ສີ ກາຍເປັນພາບສວຍງາມເບິ່ງຈາກມຸມສູງ ລັນເວຍ ແລະອາຄານຜູ້ໂດຍສານຖືກສ້າງໄວ້ຕາມແນວພູເຂົາຂະໜານໄປກັບທໍາມະຊາດປ່າໄມ້ສີຂຽວອ້ອມຮອບ ເທິງລະດັບຄວາມສູງ 677 ແມັດ ຈາກລະດັບນໍ້າທະເລ ນັບເປັນການກໍ່ສ້າງທີ່ຕ່າງຊາດໃຫ້ຄວາມສົນໃຈ ເນື່ອງຈາກພວກເຂົາຕັດສິນໃຈເຂ່ຍພື້ນທີ່ເທິງໜ່ວຍພູເປັນເດີ່ນພຽງ ກ່ອນຈະສ້າງລັນເວຍເປັນທາງຍາວເກືອ 2 ກິໂລແມັດ.
ສໍໍຫຼັບ ສະໜາມບິນເຫ່ສີ ສ້າງສໍາເລັດ ແລະເປີດໃຫ້ບໍລິການຕັ້ງແຕ່ປີ 2014 ປັດຈຸບັນໃຊ້ງານມາແລ້ວ 2 ປີ ກາຍເປັນສະໜາມບິນທີ່ສ້າງຢູ່ສະຖານທີ່ທີ່ມີຄວາມສູງທີ່ສູດໃນທ້ອງຖິ່ນ ຢູ່ກາງຕົວເມືອງເກືອບ 40 ກິໂລແມັດ ສະໜາມບິນແຫ່ງນີ້ມີສາຍການບິນພາຍໃນປະເທດໃຫ້ບໍລິການ ບິນຈາກເມືອງສົງຊິ່ງ ແລະເກາະໄຫຫຼໍາເປັນປະຈໍາທຸກວັນ.