spot_img
Homeຂ່າວການສຶກສາມະຫາວິທະຍາໄລສຸພານຸວົງ ໄດ້ຫ້ອງທົດລອງຈຸລະຊີວະວິທະຍາ

ມະຫາວິທະຍາໄລສຸພານຸວົງ ໄດ້ຫ້ອງທົດລອງຈຸລະຊີວະວິທະຍາ

Published on

ເພື່ອ​ເປັນ​ການ​ສ້າງ​ສິ່ງ​ອຳ­ນວຍຄວາມ​ສະ­ດວກ ແລະ ຄວາມ​ຈະ­ເລີນ​ກ້າວໜ້າ​ຂອງ​ວຽກ​ງານ​ການ​ສຶກ​ສາ

​ແນ­ໃສ່ການ​ວິ­ໄຈ​ຄວາມ​ປອດ​ໄພ​ຂອງ​ອາ­ຫານ ທາງ​ກະ­ຊວງ​ອຸດ­ສາ­ຫະ­ກຳ ແລະ ການຄ້າຮ່ວມ​ກັບ​ອົງ­ການ

ສປຊ ເພື່ອ​ການ​ພັດທະ​ນາ ​ໄດ້​ມອບ​ຫ້ອງ​ທົດ​ລອງ​ຈຸ​ລະ​ຊີ­ວະ​ວິ­ທະ­ຍາ​ໃຫ້​ຄະ­ນະ​ກະ­ເສດ­ສາດ ແລະ ຊັບພະ­ຍາ

­ກອນ​ປ່າ­ໄມ້​ເພື່ອ​ນຳ​ໃຊ້​ໃຫ້​ເກີດດອກ​ອອກ​ຜົນ.

ທ່ານ ສົມ​ຫວັງ ນິນ​ທະ​ວົງ ຫົວ­ໜ້າຫ້ອງ­ການ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ​ກ່າວ​ວ່າ: ຈຸດ­ປະ­ສົງ​ຫຼັກ​

ໃນ​ການປັບ­ປຸງ​ໃຫ້​ມີ​ຫ້ອງ​ທົດ​ລອງ​ນີ້​ ເກີດ​ຂຶ້ນແມ່ນ​ເພື່ອ​ຮັບ​ໃຊ້​ໃຫ້​ແກ່​ການ­ຈັດ­ຕັ້ງ​ປະຕິ​ບັດ​ກິດ­ຈະ­ກຳ​ຂອງ

​ໂຄງ­ການ ​ໂດຍ​ສະເພາະ​ແມ່ນ​ການ​ວິ­ໄຈ​ທາງ​ດ້ານ​ຄວາມປອດ​ໄພ​ຂອງ​ອາ­ຫານ​ ຈາກ​ບັນ­ດາ​ໂຮງແຮມ ແລະ

ຮ້ານ​ອາ­ຫານ ເພື່ອ​ຮອງ​ຮັບນັກ​ທ່ອງ​ທ່ຽວ ແລະ ເປັນ​ບ່ອນ​ນຳ​ໃຊ້ເຂົ້າ​ໃນ​ການ​ຮຽນ​ການ​ສອນ​ຂອງ​ຄູ​-ອາ

ຈານ​ໃຫ້​ນັກ​ສຶກ​ສາ​ພາກ​ວິ­ຊາ​ທີ່​ກ່ຽວຂ້ອງ​ຂອງ​ຄະ­ນະ ແລະ ເຊື່ອ​ວ່າ​ອະ­ນາ­ຄົດອັນ​ໃກ້ໆ​ນີ້​ຈະ​ສ້າງ​ຂີດ​ຄວາມ

​ສາ­ມາດຂອງ​ຫ້ອງ​ທົດ​ລອງ​ ດັ່ງ­ກ່າວ​ໃຫ້​ກາຍ­ເປັນສູນ​ວິ­ໄຈ​ຂອງ​ແຂວງ​ຫຼວງ​ພະ​ບາງ ເພື່ອຮັບ​ໃຊ້​ໃຫ້​ແກ່​ທຸກ

​ຫົວໜ່ວຍ​ທຸ­ລະ​ກິດ​ທີ່ສົນ­ໃຈ​ໃນ​ການ​ວິ­ໄຈ​ດ້ານ​ຈຸ​ລະ​ຊີ­ວະ​ວິ​ທະຍາ.

ສະ­ນັ້ນ​ທາງ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ​ຮ່ວມ​ກັບ​ອົງ­ການ ສປຊ ເພື່ອ​ການ​ພັດ­ທະ­ນາ​ອຸດ­ສາ­ຫະ­ກຳ

(UNIDO) ຈິ່ງ​ໄດ້​ຮ່ວມ​ກັນ​ປັບ­ປຸງ ແລະ ພັດ­ທະ­ນາ​ຫ້ອງ​ທົດ​ລອງ​ນຳ​ເຄື່ອງ­ມື​ທີ່ທັນ​ສະ­ໄໝ ແລະ ໄດ້​ມາດ­ຕະ­

ຖານ​ເພື່ອສະ­ໜອງ​ດ້ານ​ວຽກ​ງານ​ວິໄຈ​ຈຸ​ລະ​ຊີ­ວະວິ­ທະ­ຍາ​ຈົນ​ສຳ­ເລັດ ແລະ ມອບ​ໃຫ້​ຄະນະ​ກະ­ເສດ­ສາດ ແລະ

ຊັບ­ພະ­ຍາ­ກອນ​ປ່າໄມ້ມະ­ຫາ­ວິ­ທະ­ຍາ­ໄລ​ສຸ​ພາ­ນຸ​ວົງ ແຂວງຫຼວງ​ພະ​ບາງ​ເປັນ​ຜູ້​ຄຸ້ມ​ຄອງ​ນຳ​ໃຊ້.

ພິ­ທີ​ມອບ​ຮັບ​ໄດ້​ຈັດ​ຂຶ້ນ​ໃນ​ວັນ​ທີ 24 ກໍ­ລະ­ກົດ 2014 ທີ່​ຫ້ອງ​ປະ­ຊຸມ​ໃຫຍ່​ຂອງ ມສ ສຸ​ພາ­ນຸ​ວົງ ໂດຍ​ເປັນ​

ກຽດ​ມອບ​ຂອງທ່ານ ເຂັມ​ມະ­ນີ ພົນ​ເສ­ນາ ລັດ​ຖະ​ມົນຕີ​ວ່າ­ການ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ​ກ່າວ

​ຮັບ ໂດຍ​ແມ່ນ ທ່ານ ຮສ. ດຣ. ຄຳ​ຜາຍ ສີ​ສະ­ຫວັນ ອະ­ທິ­ການ​ບໍ­ດີມະ­ຫາ­ວິ­ທະ­ຍາ­ໄລ​ສຸ​ພາ­ນຸ​ວົງ, ມີ​ທ່ານ

ດຣ. ບົວ​ຄົງ ນາມ​ມະ​ວົງ ຮອງ​ເຈົ້າແຂວງໆ​ຫຼວງ​ພະ​ບາງ, ມີ​ທ່ານ ແຟຣັງ ຜູ້​ປະ­ສານ​ງານ​ສາ­ກົນ, ມີ​ບັນ­ດາ​

ການນຳ​ຂັ້ນ​ກະ­ຊວງ, ຂັ້ນ​ແຂວງ​ພະ­ແນກ­ການທີ່​ກ່ຽວ­ຂ້ອງ​ເຂົ້າ​ຮ່ວມ.

ຂອບໃຈຂ່າວຈາກ: http://www.sedthakid.la/home/khao/19677.html

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...