ພາສີອາກອນ ສສ ຫວຽດນາມ ຢຶດງາຊ້າງຜິດກົດໝາຍລວມນ້ຳໜັກ 619 ກິໂລກຣາມ ທີ່ລັກລອບຂົນສົ່ງທາງເຮືອຈາກອັບຟະລິກາ.
ຕາມຂ່າວຕ່າງປະເທດລາຍງານວ່າ: ງາຊ້າງທີ່ຢຶດໄດ້ມໃນທ້າຍອາທິດທີ່ຜ່ານມາ ຊຸກເຊື່ອງຢູ່ຕູ້ຄອນເທນເນີບັນທຸກສິນຄ້າ 2 ຕູ້ ໃນເຮືອສິນຄ້າທີ່ເດີນທາງເຖິງທ່າເຮືອກັດລາຍໃນນະຄອນໂຮຈີມິນ ທາງພາກໃຕ້ຂອງຫວຽດນາມໃນທ້າຍອາທິດທີ່ຜ່ານມາ ທ່ານ ເລີ ດິນ ໂຫລຍ ຜູ້ຊ່ວຍຫົວໜ້າສຳນັກງານພາສີອາກອນໂຮຈີມິນລະບຸວ່າ ກຸ່ມຜູ້ລັກລອບໃຊ້ກົນອຸບາຍຫຼາຍຂຶ້ນ ເພື່ອພະຍາຍາມລົບໜີການກວດກາ ດ້ວຍການຟອກຂີ້ຜິ້ງຫຸ້ມງາຊ້າງ ແລ້ວບັນຈຸໃນໄມ້ທ່ອນ ແລະ ໃຊ້ຕະປູໄມ້ຕອກປິດແທນເຫຼັກຕະປູ ເພື່ອລວງການກວດກາ.
ການຈັບກຸມມີຂຶ້ນຫຼັງຈາກເຈົ້າໜ້າທີ່ພາສີອາກອນທ່າເຮືອດຽວກັນ ຢຶດງາຊ້າງທີ່ລັກລອບຂົນທາງເຮືອຈາກອັບຟະລິກາລວມນ້ຳໜັກ 4 ໂຕນ ໃນໄລຍະ 2 ເດືອນທີ່ຜ່ານມາ ແລະ ມີຂຶ້ນພຽງ 1 ອາທິດ ຫຼັງຈາກບັນດາຜູ້ນຳ ແລະ ເຈົ້າໜ້າທີ່ລະດັບສູງຈາກຫຼາຍກວ່າ 40 ປະເທດ ເຂົ້າຮ່ວມກອງປະຊຸມວ່າດ້ວຍການຄ້າສັດປີກຜິດກົດໝາຍຢູ່ນະຄອນຫຼວງຮ່າໂນ້ຍ.
ຂ່າວຈາກໜັງສືພິມເສດຖະກິດ-ສັງຄົມ