ອີງຕາມການລາຍງານຂ່າວຂອງເວັບໄຊໄອບີທີໄທ ລາຍງານເມື່ອວັນທີ 25 ພະຈິກຜ່ານມາວ່າ ຊາຍຄົນໜຶ່ງດີໃຈທີ່ສຸດ ຫຼັງຈາກໄອໂຟນ 4 ຂອງຕົນເອງ ທີ່ເຮັດຕົກລົງໃນທະເລສາບໄຄລ໌ເປັນນໍ້າກ້ອນ ເປັນປີລະຫວ່າງຕຶກເບັດເອົາປາ

ຊາຍຄົນດັ່ງກ່າວຊື່ວ່າ ໄມເຄິນ ກັນທຣັມ ອາໄສຢູ່ທີ່ລັດເພນຊິນເວເນຍ ໃນປະເທດສະຫະລັດອາເມລິກາ ໃນເດືອນມີນາ ປີ2015 ລາວ ແລະໝູ່ໄດ້ໄປຕຶກເບັດຢູ່ທະເລສາບໄຄລ໌ໃນຊ່ວງລະດູໜາວ, ລາວໄດ້ເຮັດໂທລະສັບຕົກໃນນໍ້າກ້ອນທີ່ເຈາະໄວ້ສຳລັບຕຶກເບັດ ເຊິ່ງດຽວນີ້ ລາວກໍທຳໃຈໄດ້ແລ້ວວ່າ ຕ້ອງເສຍໄອໂຟນ 4 ໜ່ວຍນີ້ໄປ

ໃນເດືອນກັນຍາປີຕໍ່ມາ ທະເລສາບດັ່ງກ່າວ ໄດ້ຖືກດູດນໍ້າອອກຈົນໝົດ ຈາກນັ້ນ ແດນນ່ຽນ ຄັລເກຣັນ ນັກວິສະວະກອນເຄື່ອງຈັກ ບັງເອີນໄດ້ໄປເຫັນໄອໂຟນ 4 ເຄື່ອງນີ້ໃນຕົມ ກ່ອນຈະເອົາມາທຳຄວາມສະອາດ ແລະເອົາໄປແຊ່ເຂົ້າສານ 2 ວັນ ເພາະລາວພຽງແຕ່ຢາກຮູ້ວ່າມັນຈະເຮັດໃຫ້ໄອໂຟນກັບມາໃຊ້ງານໄດ້ ຫຼືບໍ່ ແລ້ວເອົາມາເປີດເບິ່ງ ປາກົດວ່າ ສາມາດເປີດຂຶ້ນໄດ້ຢ່າງອັດສະຈັນ ກ່ອນທີ່ລາວຈະຊອກເບີເຈົ້າຂອງ ແລະຕິດຕໍ່ກັບເພື່ອເອົາໄປຄືນໃຫ້

ຫຼັງຈາກທີ່ໄດ້ໄອໂຟນ 4 ທີ່ເສຍໄປກັບມາ ກັນທຣັມ ເຊິ່ງເປັນເຈົ້າຂອງບອກວ່າ ໄອໂຟນໜ່ວຍນີ້ ຢູ່ໃນເຄສຍີ່ຫໍ້ Otterbox ເຊິ່ງອາດເປັນສາເຫດໜຶ່ງ ທີ່ເຮັດໃຫ້ເຄື່ອງບໍ່ໄດ້ຮັບຄວາມເສຍຫາຍຫຼາຍ, ເຂົາກຽມຈະແປງໄອໂຟນ 4 ເຄື່ອງນີ້ໃຫ້ກັບມາເປັນປົກກະຕິ ເພື່ອເອົາໄປໃຫ້ແມ່ໃຊ້

ຂ່າວ: http://hilight.kapook.com/view/145677