ຮອງນາຍົກລັດຖະມົນຕີອັງກິດ ຮຽກຮ້ອງໃຫ້ສະຫະພາບເອີລົບ ແລະ ປະຊາຄົມໂລກ ກົດດັນປະທານາທິບໍດີ
ປູຕິນ ໃຫ້ຢຸຕິແຊກແຊງສະຖານະການໃນອູແກຣນ ຫຼັງເກີດໂສກນາຕະກຳ MH17 ໂດຍອ້າງວ່າ ຣັດເຊຍຄວນ
ຖືກຖອດອອກຈາກການຈັດເປັນເຈົ້າພາບບານໂລກ ໃນປີ 2018.
ທ່ານ ນິກ ເຄລັກ ຮອງນາຍົກລັດຖະມົນຕີອັງກິດ ໃຫ້ສຳພາດສື່ເມື່ອວັນທີ 27 ກໍລະກົດຜ່ານມາ ໂດຍຮຽກຮ້ອງ
ໃຫ້ສະມາຊິກສະຫະພາບເອີລົບ ລວມເຖິງປະຊາຄົມໂລກ ເພີ່ມມາດຕະການກົດດັນໃຫ້ ວາລາດີເມຍ ປູຕິນ ປະ
ທານາທິບໍດີຂອງຣັດເຊຍ ຢຸຕິການແຊກແຊງສະຖານະການທາງການເມືອງໃນອູແກຣນ ຫຼັງເກີດເຫດຖ້ຽວບິນ
MH17 ຂອງສາຍການບິນມາເລເຊຍ ແອຣ໌ລາຍ ຖືກຍິງຕົກໃນດິນແດນທາງພາກຕາເວັນອອກຂອງອູແກຣນ
ເຊິ່ງຖືກກຸ່ມແບ່ງແຍກດິນແດນຝັກໄຝ່ຣັດເຊຍຍຶດຄອງ ໂດຍທ່ານ ເຄລັກ ລະບຸວ່າ ຣັດເຊຍຄວນຖືກຖອດ
ຖອນສິດໃນການເປັນເຈົ້າພາບຈັດການແຂ່ງຂັນເຕະບານໂລກ ໃນປີ 2018, ແຕ່ວ່າ ທ່ານ ທີໂອ ສະວານຊິກເກີ້
ຄະນະກຳມະການຟີຟ້າ ຄັດຄ້ານຂໍ້ສະເໜີນີ້ ໂດຍລະບຸວ່າ ການຂ້ວາມບາດທາງກິລາ ບໍ່ເຄີຍປະສົບຜົນສຳເລັດ
ມາກ່ອນ.