ຫຼັງຈາກທີ່ຕ້ອງຢູ່ພາຍໃຕ້ສັນຍາຫ້າມຜະລິດໂທລະສັບຂອງ Microsoft ມາເປັນເວລາດົນ ໃນທີ່ສຸດ Nokia ກໍ່ກຳລັງຈະເປັນອິດສະຫຼະ ແລະ ໄດ້ຮັບຄວາມໄວ້ວາງໃຈໃຫ້ HMD Global ເປັນຜູ້ຜະລິດສະມາດໂຟນໃຫ້ ໂດຍສະມາດໂຟນລຸ້ນທຳອິດທີ່ HMD Globalໄດ້ຜະລິດນັ້ນໜ້າຈະເປີດຕົວໃນຊ່ວງປາຍປີ 2016 ນີ້
ຫຼ້າສຸດໄດ້ມີການຢືນຢັນແລ້ວວ່າ Nokia ຈະເປີດຕົວຜະລິດຕະພັນໃໝ່ໃນຊ່ວງຕົ້ນປີ 2017 ຢ່າງແນ່ນອນ ພາຍໃນງານ MWC 2017 (Mobile World Congress 2017) ທີ່ຈະຈັດຂຶ້ນໃນວັນທີ 27 ກຸມພາ – 2 ມີນາ 2017 ໂດຍມີ Rajeev Suri ປະທານ ແລະ ຊີອີໂອຂອງ Nokia ເປັນຜູ້ບັນລະຍາຍໃນງານ
ສຳລັບ ມືຖືໂນເກຍ ລຸ້ນທຳອິດຈະເປີດໂຕໃນປີ 2017 ນີ້ ຄາດວ່າຈະເປັນ Nokia D1C ເຊິ່ງທຳງານລະບົບປະຕິບັດການ Android 7.0 (Nougat) ແລະ ມີສະເປັກເຄື່ອງຢູ່ໃນລະດັບກາງ ນັ້ນກໍ່ຄື ໜ້າຈໍຄວາມລະອຽດໃນລະດັບ Full HD, ໃຊ້ຊິບເຊັດ Qualcomm Snapdragon 430 ແລະ RAM 3 GB