ເຊື່ອວ່າຫຼາຍຄົນມີຄຳຖາມເຫຼົ່ານີ້ໃນໃຈ ຈະຕັດຜົມຕາມມື້ທີ່ເຮົາສະດວກດີບໍ ຫຼືຈະຕັດຕາມບູຮານທ່ານສອນໄວ້ວ່າດີ, ອັນນີ້ແລ້ວແຕ່ຄວາມເຊື່ອຂອງແຕ່ລະຄົນ ແຕ່ຢ່າລືມວ່າບູຮານສອນສັ່ງໄວ້ຈາກເພິ່ນມີປະສົບການມາກ່ອນ ດັ່ງນັ້ນ ຖ້າເຮົາຈະເຊື່ອໄວ້ກໍບໍ່ເສຍຫາຍຫຍັງ
- ຕັດຜົມວັນອາທິດ: ຈະມີອາຍຸຍືນຍາວ ຮ່າງກາຍແຂງແຮງ ບໍ່ເຈັບປ່ວຍເປັນໄຂ້
- ຕັດຜົມວັນຈັນ: ຈະມີໂຊກລາບ ໄດ້ເຄື່ອງມີຄ່າ ການຄ້າຂາຍດີ ລໍ່າລວຍເງິນຄຳ
- ຕັດຜົມວັນອັງຄານ: ບໍ່ດີ ຈະມີແຕ່ໂທດ ມີແຕ່ຄົນປອງຮ້າຍ ສັດຕູຈະເຮັດໃຫ້ເຈັບ ຖ້າຫຼີກລຽງໄດ້ແມ່ນຈະດີທີ່ສຸດ
- ຕັດຜົມວັນພຸດ: ບໍ່ຄວນຕັດ ເພາະຈະເັຮດໃຫ້ການງານຕົກຕໍ່າ, ມີແຕ່ເລື່ອງຜິດຖຽງກັນ ມີຄວາມຂັດແຍ່ງກັນທັງພາບນອກ ແລະຄົນໃນຄອບຄົວ
- ຕັດຜົມວັນພະຫັດ:ເປັນວັນມຸງຄຸນ, ເຫຼົ່າເທວະດາຈະມາປົກປັກຮັກສາໃຫ້ພົ້ນຈາກອັນຕະລາຍທັງປວງ, ເປັນວັນສິລິມຸງຄຸນ, ຖ້າຈະຕັດຜົມຄວນຕັດມື້ນີ້ຈະດີ
- ຕັດຜົມວັນສຸກ: ແມ່ນດີ ເຮັດຫຍັງກໍຈະເລີນຮຸ່ງເຮືອງ ຕັດຜົມມື້ນີ້ ກໍຈະມີແຕ່ໂຊກ ການຄ້າຂາຍດີ, ມີເງິນຄຳໃຫ້ໃຊ້ບໍ່ຂາດມື, ຖ້າເຈົ້າເຮັດການຄ້າຂາຍ ແມ່ນຄວນຕັດວັນສຸກຈະດີທີ່ສຸດ
- ຕັດຜົມວັນເສົາ: ເປັນມຸງຄຸນດີ ເພາະຕັດແລ້ວຈະໄດ້ດັ່ງສິ່ງທີ່ເຮົາປາຖະໜາ ຄິດສິ່ງໃດໄວ້ກໍຈະໄດ້ສິ່ງນັ້ນ
ຕິດຕາມນານາສາລະ ກົດໄລຄ໌ເລີຍ!