ເມື່ອເລື່ອງຂອງຄວາມຮັກເປັນເລື່ອງທີ່ຊັບຊ້ອນ ຖ້າບໍ່ລະວັງຕົວໃຫ້ດີ ກໍອາດຈະມີເສີຍໃຈ, ເສີຍນໍ້າຕາ ຄົນທີ່ເຂົ້າມາໃນຊີວິດແລ້ວເຮັດໃຫ້ຫົວໃຈເຕັ້ນໄວ, ຫວັ່ໄຫວ ຈະແຍກອອກໄດ້ແນວໃດ? ວ່າຄວາມຮູ້ສຶກທີ່ເຈົ້າກໍາລັງປະເຊີນຢູ່ກັບຄໍາທີ່ເອີ້ນວ່າ “ ຮັກ ຫຼືຫຼົງ ”.
- ຮັກ ຄືຄວາມປາຖະໜາດີຕໍ່ອີກຝ່າຍ ຢາກໃຫ້ອີກຝ່າຍມີຄວາມລຸກ ແຕ່ຫຼົງຄືຄວາມປາຖະໜາ? ຢາກໃຫ້ອີກຝ່າຍມາເຮັດໃຫ້ເຮົາມີຄວາມສຸກ.
- ຮັກ ອາໄສເວລາໃນການສຶກສາດູໃຈ ແຕ່ຫຼົງ ໃຊ້ເວລາພຽງຊົ່ວພິບຕາ ບໍ່ວ່າຈະເປັນຮູບຮ່າງໜ້າຕາພາຍນອກ ຫຼືຂໍ້ດີຍ່ອມປອມທີ່ສະແດງໃສ່ກັນໃນໄລຍະທໍາອິດ.
- ຮັກ ຄືການຕໍ່ສູ້ຄຽງຂ້າງອີກຄົນໃນຍາມທີ່ເປັນທຸກ ຫຼືເດືອດຮ້ອນ ສ່ວນຫຼົງ ມີຄວາມສຸກກັບຄວາມສໍາເລັດຂອງອີກຝ່າຍ ແລະຮູ້ສຶກອຶດອັດກັບປັນຫາທີ່ອີກຝ່າຍຕ້ອງພົບ.
- ຮັກ ຄືການຮັບຟັງ ແລະເປີດໃຈຄວາມຄິດເຫັນຂອງອີກຝ່າຍ ແລະຊ່ວຍຫາທາງແກ້ເທົ່າທີ່ຈະເຮັດໄດ້ ຫຼົງ ຄືການລະບາຍຄວາມໃນໃຈ ເພື່ອຫວັງໃຫ້ອີກຝ່າຍມາຊ່ວຍຫາທາງອອກ.
- ຮັກ ຄືການປັບປຸງຂໍ້ເສຍຂອງຕົນເອງ ເພື່ອປະຄອງຄວາມສໍາພັນໃຫ້ຢູ່ຍາວນານ ແຕ່ຫຼົງ ຄືການບັງຂັບໃຫ້ອີກຝ່າຍຕ້ອງປ່ຽນ ແລະປັບຕົວເຂົ້າຫາ ໂດຍທີ່ຕົນເອງບໍ່ໄດ້ເຮັດຫຍັງເພື່ອອີກຝ່າຍເລີຍ.