ອິດສະລາເອວ ສັ່ງອົບພະຍົບຄົນຫຼາຍໝື່ນຄົນໃນພື້ນທີ່ພາກເໜືອຂອງປະເທດ ເພື່ອໜີໄຟປ່າລຸກລາມໃນຫຼາຍພື້ນທີ່ຂອງເມືອງໄຮຟາ.
ອີງຕາມສໍານັກຂ່າວຕ່າງປະເທດລາຍລງານຈາກເມືອງໄຮຟາ ປະເທດອິດສະລາເອວ ໃນວັນທີ 25 ພະຈິກວ່າ: ທາງການອິດສະລາເອວສັ່ງອົບພະຍົຜູ້ຄົນນັບຫຼາຍໝື່ນຄົນອອກຈາກພື້ນທີ່ຢູ່ອາໄສ ເພາະໄຟປ່າໄດ້ລຸກລາມເຂົ້າໄປໃກ້ກັບເຂດເມືອງຂອງເມືອງໄຮຟາ ທາງເໜືອຂອງອິດສະລາເອວແລ້ວ ມີລາຍງານຜູ້ຖືກນໍາສົ່ງໂຮງໝໍ 17 ຄົນ ເພາະສູດຄວັນເຂົ້າໄປ.
ໂຄສົກເທດສະບານໄຮຟາ ບອກກັບເອເອຟພີວ່າ ຊາວບ້ານ 50, 000 ຄົນ ຈາກປະຊາກອນຂອງເມືອງທັງໝົດ 250,000 ຄົນ ຕ້ອງອົບພະຍົບ ສ່ວນໂຄສົກຕໍາຫຼວດລະບຸວ່າ ຊາວບ້ານ 8 ໝູ່ບ້ານ ໄດ້ຮັບແຈ້ງໃຫ້ລົບໜີອອກມາ ສືບເນື່ອງຈາກເກີດໄຟປ່າລຸກລາມໃນ 6 ຈຸດ ແລະໄດ້ມີການຈັດຕັ້ງສູນພັກພິງຊົ່ວຄາວ 4 ແຫ່ງ.
ທາງການອິດສະລາເອວຍັງໄດ້ຮ້ອງກໍາລັງເສີມເປັນທະຫານກອງໜຸນຫຼາຍຮ້ອຍຄົນໃຫ້ມາຊ່ວຍດັບໄຟປ່າ ນອກເໜືອຈາກກໍາລັງຕໍາຫຼວດ ແລະໜ່ວຍດັບເພີງ ສ່ວນຊາວເມືອງກໍອາໃສລົດເຂັນໃນຕະຫຼາດເປັນເຄື່ອງຊ່ວຍໃນການອົບພະຍົບນໍາສິ່ງຂອງທີ່ຈໍາເປັນ ອອກຈາກບ້ານເຮືອນທີ່ຢູ່ອາໄສ.
ດ້ານໂນອາ ໂວລຟໍສັນ ຫົວໜ້າເວັບໄຊອຸຕຸນິຍົມວິທະຍາເມເຕໂອ-ເທດ ບອກວ່າ: ສະພາບອາກາດເໝາະທີ່ຈະເກີດໄຟປ່າຢ່າງຍິ່ງ ບໍ່ວ່າຈະໂດຍອຸບັດຕິເຫດ ຫຼຈາກຄວາມຕັງໃຈ ເດືອນພະຈິກປີນີ້ແລ້ງຫຼາຍ ບໍ່ມີຝົນຕົກເລີຍ.
ຂະນະທີ່ກິລາດ ເອີດັນ ລັດຖະມົນຕີສາທາລະນະ ບອກກັບສະຖານີວິທະຍຸທະຫານວ່າ ເຄິ່ງໜຶ່ງຂອງໄຟ່າທີ່ເກີດຂຶ້ນໃນເວລານີ້ເກີດຂຶ້ນໂດຍເຈດຕະນາ ສ່ວນລັດຖະມົນຕີສຶກສາທິການກວ່າໂທດວ່າ ມັນເປັນຝີມືການລັກລອບວາງເພີງຂອງຊົນກຸ່ມນ້ອຍອາຫຼັບຂອງປະເທດ.