ສະພາແຫ່ງຊາດຫວຽດນາມລົງມະຕິໃນກອງປະຊຸມແບບປິດ ເມື່ອວັນທີ 22 ພະຈິກ 2016 ທີ່ຜ່ານມາ ຫຼັງຈາກຄະນະລັດຖະບານໄດ້ມີການປຶກສາຫາລືກັນ ກ່ຽວກັບການກໍ່ສ້າງໂຮງໄຟຟ້ານິວເຄຣຍ 2 ແຫ່ງທຳອິດໃນປະເທດ ທີ່ມີແຜນສ້າງຮ່ວມກັບ ຣັດເຊຍ ແລະ ຢີ່ປຸ່ນ ທີ່ມີມູນຄ່າການສ້າງຫຼາຍພັນລ້ານຫຼຽນສະຫະລັດ
ລັດຖະບານຂອງຫວຽດນາມໄດ້ລະບຸໃນລະຫວ່າງການຖະແຫຼງຂ່າວວ່າ ໄດ້ມີການຍົກເລີກແຜນສ້າງໂຮງໄຟຟ້ານິວເຄຣຍ 2 ແຫ່ງທຳອິດໃນປະເທດ ເຫດຜົນຍ້ອນທາງດ້ານເສດຖະກິດເທົ່ານັ້ນ ເພາະລັດຖະບານມີຄວາມຈຳເປັນທີ່ຈະນຳເງິນທີ່ຈະໃຊ້ໃນໂຄງການນີ້ໄປໃຊ້ໃນໂຄງການອື່ນທີ່ມີຄວາມສຳຄັນຫຼາຍກວ່າ ເພາະໃນຂະນະນີ້ລັດຖະບານຫວຽດ ນາມ ກຳລັງຄວບຄຸມລາຍຈ່າຍເງິນຄັງຂອງປະເທດ ເນື່ອງຈາກມີໜີ້ຈາກສາທາລະນະເພີ່ມສູງຂຶ້ນຈົນເກືອບເກີນກົດໝາຍກຳນົດໄວ້ ເຊິ່ງເຮັດໃຫ້ຄວາມສາມາດໃນການໃຊ້ຈ່າຍເງິນແມ່ນມີຈຳກັດ.
ໂຮງໄຟຟ້ານິວເຄຣຍທັງສອງແຫ່ງຂອງຫວຽດນາມ ມີແຜນຈະສ້າງໃນແຂວງ ນິງຕ່ວນ ທາງພາກກາງຂອງປະເທດ ເຊິ່ງຈະມີກຳລັງການຜະລິດກະແສໄຟຟ້າຮວມກັນເຖິງ 4,000 ເມກະວັດ ແຜນການສ້າງໂຮງໄຟຟ້ານິວເຄຣຍ 2 ແຫ່ງ ຖືກອະນຸມັດແຜນສ້າງເມື່ອປີ 2009 ເຊິ່ງເປັນຊ່ວງໄລຍະເວລາທີ່ຫວຽດນາມມີຄວາມຕ້ອງການໃຊ້ພະລັງງານເພີ່ມຂຶ້ນ 17% – 20% ຕໍ່ປີ
ເຄຣດິດຂ່າວ: http://news.mthai.com/hot-news/world-news/534781.html
ຕິດຕາມຂ່າວເສດຖະກິດລາວ ກົດໄລຄ໌ເລີຍ!