ກະແສລົມໜາວທີ່ພັດເຂົ້າມາປົກຄຸມພື້ນທີ່ທົ່ວປະເທດຈີນ ເຮັດໃຫ້ແມ່ນໍ້າແຢງຊີກຽງ ເມືອງອູ່ຮັ່ນ ເກີດປະກົດການໜ້າຕື່ນຕະລຶງຂຶ້ນ ເມື່ອມີລະອອງນໍ້າລອຍປົກຄຸມທົ່ວທັງໜ້ານໍ້າ ງົດງາມຄືກັບວ່າເມືອງທັ້ງເມືອງລອຍຢູ່ເທິງເມກກາງອາກາດ.
ອີງຕາມສໍານັກຂ່າວຕ່າງປະເທດລາຍງານວ່າ: ວັນທີ 23 ພະຈິກ ທີ່ຜ່ານມາ ທີ່ເມື່ອງອູ່ຮັ່ນ ມົນທົນຫູເປ່ຍ ຫຼັງຈາກກະແສລົມໜາວທີ່ພັດມາເຮັດໃຫ້ອຸນຫະພູມຫຼຸດລົງຢ່າງວ່ອງໄວ ແລະເນື່ອງຈາກອຸນຫະພູມນໍ້າໃນແມ່ນໍ້າແຢງຊີກຽງມີອຸນຫະພູມສູງກວ່າຊັ້ນບັນຍາກາດ ຈຶ່ງເຮັດໃຫ້ເກີດປະກົດການໜ້າຕື່ນຕະລຶງຂຶ້ນ ເມື່ອມີລະອອງນໍ້າລອຍຂຶ້ນມາປົກຄຸມທົ່ວທັ້ງໜ້ານໍ້າກວ້າງຍາວສຸດຫູສຸດຕາ ກາຍເປັນພາບທີ່ເບິ່ງງົດງາມຕະການຕາ ຈົນເບິ່ງຄ້າຍຄືກັບເມືອງທັ້ງເມືອງລ່ອງລອຍຢູ່ກາງເມກໝອກ.