ອີງຕາມສໍານັກຂ່າວຕ່າງປະເຫດລາຍງານ ວັນທີ 25 ພະຈິກວ່າ: ເກີດແຜ່ນດິນໄຫວລະດັບ 7.0 ນອກແຄມຝັ່ງມະຫາສະໝຸດປາຊີຟິກ ຂອງປະເທດນິກາຣາກົວ ແລະປະເທດເອວຊັນວາດອນ ເມື່ອເວລາ 12:43 ນາທີ ວັນທີ 24 ພະຈິກ ເຮັດໃຫ້ທາງການຂອງທັງສອງປະເທດຕ້ອງປະກາດເຕືອນໄພຄື່ນສຶນາມິ ຄະນະທີນິກາຣາກົວປະກາດພາວະສຸກເສີນເນື່ອງຈາກພາຍຸເລີຣິເຄນເຄື່ອນຕົວເຂົ້າສູ່ປະເທດແລ້ວ.
ຕາມການລາຍງານຂອງສໍານັກລວມສະຖານີວິທະຍຸແຫ່ງຊາດສາຫະລັດ ( USGS ) ຈຸດສູນກາງແຜ່ນດິນໄຫວຢູ່ເລິກລົງໄປໃຕ້ທະເລຍາວ 10.3 ກມ ແລະຢູ່ຫ່າງຈາກເມືອງທ່າ ເອວ ຕໍຣິອຸນໂຟ ຂອງເອວຊັນວາດອນໄປທາງຕະເວັນຕົກຊຽງໃຕ້ 153 ກມ. ໂດຍໃນເບື່ອງຕົ້ນຍັງບໍ່ມີລາຍງານຄວາມເສຍຫາຍ ແລະຜູ້ບາດເຈັບຈາກແຜ່ນດິນໄຫວຄັ້ງນີ້ ແຕ່ນາງ ລິນາໂພ ລັດຖະມົນຕີວ່າການກະຊວງສິ່ງແວດລ້ອມເອວຊັນວາດອນກ່າວວ່າ: ມີການະກາດເຕືອນໄພຄື່ນສຶນາມິ ແລະຄາດວ່າ ຄື່ນສູງສຸດ 3 ແມັດ ອາດພັດເຂົ້າສູ່ແຄມຝັ່ງ.
ຂະນະທີ່ສໍານັກງານປ້ອງກັນພົນລະເຮືອນເອວຊັນວາດອນອອກປະກາດເຕືອນປະຊາຊົນທີອາໃສຢູ່ບໍລິເວນແຄມຝັ່ງມະຫາສະໝຸດປາຊີຟິກ ໃຫ້ອົບພະຍົບອອກຈາກແຄມຝັ່ງປະມານ 1 ກມ.