ບັນເທີງຕ່າງປະເທດ ມື້ນີ້ເຮົາຈະມາອັບເດດຂ່າວບັນເທີງທາງຝັ່ງຕະເວັນຕົກ ເມື່ອນັກຮ້ອງໜຸ່ມຊຸບຕາຣ໌ ຂັວນໃຈສາວໆຢ່າງ ຈັສຕິນ ບີເບີຣ ເກີດມີຂ່າວອື້ສາວອີກຮອບ ໃນລະຫວ່າງທົວຄອນເສີດຮອບສຸດທ້າຍ ທີ່ເມືອງ ບາຣເຊໂລນາ ປະເທດ ສະເປນ ເຊິ່ງກ່ອນໜ້ານີ້ກໍ່ເຄີຍມີຂ່າວຊົກຕີກັບນັກຮ້ອງໜຸ່ມ ອໍຣແລນໂດ ບລູມ ມາແລ້ວ ແລະ ບໍ່ນັບຮວມເຖິງກໍະນີຕ່າງໆກ່ຽວກັບຄວາມສຳພັນກັບສາວໆຂອງເຂົາ .
ຫຼ້າສຸດ ເມື່ອວັນທີ 22 ພະຈິກ 2016 ທີ່ຜ່ານມາ ທາງເວັບໄຊ໌ເດລີເມລ ກໍ່ໄດ້ມີລາຍງານວ່າຊຸບຕາຣ໌ໜຸ່ມໄວອາຍຸ 22 ປີ ໄດ້ກໍ່ເລື່ອງຂຶ້ນອີກຄັ້ງ ດ້ວຍການຊົກໜ້າແຟນຄຣັບຈົນປາກແຕກ ໃນຂະນະທີ່ເຂົາກຳລັງເດີນທາງເຂົ້າມາສະຖານ ທີ່ຈັດຄອນເສີດສຸດທ້າຍໃນທົວ Purpose ທີ່ເມືອງ ບາຣເຊໂລນາ ປະເທດ ສະເປນ ໃນຂະນະທີ່ ຈັສຕິນ ນັ່ງຢູ່ໃນລົດ ແລະ ເປີດແວ່ນລົດເພື່ອໃຫ້ແຟນຄຣັບໄດ້ເຫັນເຂົາຢ່າງໃກ້ຊິດ ແຕ່ມີຊາຍຄົນໜຶ່ງທີ່ເບິ່ງແລ້ວອາດຈະຕື່ນເຕັ້ນກັບການມາຂອງນັກຮ້ອງຂັວນໃຈ ຈິ່ງໄດ້ພະຍາຍາມຍື່ນມືເຂົ້າໄປແຕະຕົວນັກຮ້ອງໜຸ່ມພາຍໃນລົດ ຈິ່ງເຮັດໃຫ້ລາວຖືກ ຈັສຕິນ ໃຊ້ມັດສວນເຂົ້າໜ້າແບບເຕັມໆ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!