ອີງຕາມສໍານັກຂ່າວຕ່າງປະເທດລາຍງານວັນທີ 21 ພະຈິກ ທີ່ຜ່ານມາວ່າ: ເມືອງເສິງຕູ ເມືອງເອກຂອງມົນທົນເສສວນ ຈັດທົດສອບລະບົບການໃຊ້ງານລົດໄຟແຂວນພະລັງງານແບັດເຕີຣີ່ລິຣຽມຂະບວນທໍາອິດຂອງໂລກ.
ຊຶ່ງຜົນການທົດສອບທີ່ໄດ້ກໍເປັນທີ່ໜ້າພໍໃຈ ໂດຍລົດໄຟແຂວນຂະບວນດັ່ງກ່າວຂັບເຄື່ອນດ້ວຍພະລັງງານແບັດເຕີຣີ່ລິຣຽມ ເປັນມິດກັບສິ່ງແວດລ້ອມ ແລ່ນດ້ວຍຄວາມໄວ 60 ກິໂລແມັດຕໍ່ຊົ່ວໂມງ ເທິງລາງລົດໄຟທີ່ຍາວປະມານ 1.4 ກິໂລແມັດ.
ຄະນະອອກແບບໄດ້ເຮັດການທົດສອບການໃຊ້ງານມາເປັນເວລາ 2 ເດືອນ ເພື່ອກວດສອບປະສິດທິພາບຂອງລົດໄຟແຂວນນີ້ ແລະຜົນການທົດສອບທີ່ໄດ້ກໍສອດຄ່ອງກັບມາດຕະຖານທີ່ກໍານົດໄວ້ ຊຶ່ງທາງຄະນະອອກແບບກໍກໍາລັງທົດສອບການໃຊ້ງານຕໍ່ໄປຢ່າງຮອບດ້ານ ການເປີດໃຫ້ບໍລິການຢ່າງເປັນທາງານໃນອະນາຄົດ.
ທັງນີ້ ໂຄງການລົດໄຟແຂວນນີ້ຖືກວິໄຈ ແລະຜະລິດຂຶ້ນທີ່ມະຫາວິທະຍາໄລຊີຫນານ (Southwest Jiaotong University) ຊຶ່ງຈີນຖືເປັນປະເທດທີ່ 3 ຂອງໂລກ ຕໍ່ຈາກ ເຢີຣາມານີ ແລະຍີ່ປຸ່ນທີ່ມີການເປີດໃຊ້ລົດໄຟແຂວນ ພະລັງງານໄຟຟ້າ ແຕ່ແຕກຕ່າງກັນທີ່່ຈີນໃຊ້ພະລັງງານແບັດເຕີຣີ່ລິຣຽມ ແລະມີການຄາດການວ່າໃນອະນາຄົດຈະເປີດໃຫ້ບໍລິການຕາມສະຖານທີ່ທ່ອງທ່ຽວຕ່າງໆ.