ສຳນັກຂ່າວຕ່າງປະເທດ ລາຍງານໃນວັນທີ 22 ພະຈິກຜ່ານມານີ້ວ່າ ກຸ່ມນັກຮົບພັນທະມິດຂອງກອງທັບອີຣັກ ໄດ້ດຳເນີນການປິດເສັ້ນທາງລຳລຽງ ຊຶ່ງເຊື່ອມຕໍ່ລະຫວ່າງເມືອງໂຊມູນ ເຂດທີ່ໝັ້ນສຸດທ້າຍຂອງກຸ່ມລັດອິດສະລາມ ຫລື ກຸ່ມໄອເອັສໃນປະເທດອີຣັກ ກັບພື້ນທີ່ຍຶດຄອງຂອງກຸ່ມດັ່ງກ່າວໃນປະເທດຊີຣີ ໂດຍການປິດຖະໜົນສາຍຕາເວັນຕົກ ທີ່ມຸ່ງໜ້າສູ່ເມືອງ ທັນ-ອາຟາ ຫ່າງຈາກເມືອງໂມຊູນທາງທິດຕາເວັນຕົກ ພຽງ 60 ກິໂລແມັດເທົ່ານັ້ນ ເທົ່າກັບເປັນການຕັດເສັ້ນທາງລຳລຽງສະບຽງ ແລະ ຍຸດໂທປະກອນ ຂອງກຸ່ມໄອເອັສ, ໃນຂະນະທີ່ກອງກຳລັງອື່ນໆຂອງອີຣັກ ແລະ ພັນທະມິດ ໄດ້ດຳເນີນການປິດປ້ອມທາງດ້ານທິດເໜືອ, ທິດໃຕ້ ແລະ ທິດຕາເວັນອອກຂອງເມືອງໂມຊູນ ພ້ອມທັງບຸກຄືບເຂົ້າປົດປ່ອຍພື້ນທີ່ໄດ້ຢ່າງຕໍ່ເນື່ອງ.

ທັງນີ້ ປະຕິບັດການບັ້ນຮົບປົດປ່ອຍເມືອງໂມຊູນ ຊິ່ງເລີ່ມຕົ້ນໃນວັນທີ 17 ຕຸລາຜ່ານມາ ໂດຍໄດ້ຮັບການສະໜັບສະໜູນ ທັງພາກພື້ນດິນ ແລະ ທາງອາກາດ ຈາກກອງກຳລັງພັນທະມິດ ນຳໂດຍສະຫະລັດອາເມຣິກາ ໄດ້ກາຍເປັນບັ້ນຮົບຄັ້ງໃຫຍ່ທີ່ສຸດ ໃນຮອບ 13 ປີ ຢູ່ປະເທດອີຣັກ ນັບຕັ້ງແຕ່ກອງທັບອາເມຣິກາ ນຳກຳລັງບຸກໂຄ່ນລົ້ມ ອຳນາດການປົກຄອງຂອງ ທ່ານ ຊັດດຳ ຮຸສແຊນ ເມື່ອປີ 2013 ທີ່ຜ່ານມາ.

 
 
ຕິດຕາມເຮົາທາງFacebook ກົດຖືກໃຈເລີຍ!