spot_img
Homeຂ່າວເຫດການຮອງປະທານປະເທດ ຕ້ອນຮັບປະທານອົງການກາແດງ ແລະ ຊີກວົງເດືອນແດງສາກົນ

ຮອງປະທານປະເທດ ຕ້ອນຮັບປະທານອົງການກາແດງ ແລະ ຊີກວົງເດືອນແດງສາກົນ

Published on

ວັນທີ 22 ພະຈິກຜ່ານມານີ້, ທີ່​ທໍານຽບປະທານ​ປະ​ເທດ ທ່ານ ພັນຄໍາ ວິພາ​ວັນ ຮອງ​ປະທານ​ປະ​ເທດ ​ໄດ້ໃຫ້ກຽດຕ້ອນຮັບການ​​ເຂົ້າຢ້ຽມ​ຂໍ່ານັບ​ຂອງ ​ທ່ານ ຕາ​ດາ​ເຕຣຸ ​ໂກ​ໂນະ ( tadateru Konoc ) ປະທານສະຫະພັນ​ກາ​ແດງ ​ແລະ ຊີກ​ວົງ​ເດືອນ​ແດງ​ສາກົນ, ທັງ​ເປັນ​ປະທານອົງການ​ກາ​ແດງຍີ່ປຸ່ນ ພ້ອມຄະນະໃນໂອກາດເດີນທາງມາຢ້ຽມຢາມແລະເຮັດວຽກຢູ່ ສປປ ລາວ.

​ໃນໂອກາດດັ່ງກ່າວ, ທ່ານ ພັນ​ຄໍາ ວິພາ​ວັນ ​ໄດ້ສະ​ແດງ​ຄວາມຊົມ​ເຊີຍ, ຍິນດີຕ້ອນຮັບ ແລະ ຕີ​ລາຄາ​ສູງຕໍ່ ທ່ານ ຕາ​ດາ​ເຕຣຸ ​ໂກ​ໂນະ​ ​ ທີ່​ໄດ້​ນຳພາ​ຄະນະ​ ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ​ໃນ​ຄັ້ງ​ນີ້, ​ເຊິ່ງ​ເປັນ​ການ​ປະກອບສ່ວນສຳຄັນ ​ເຂົ້າ​ໃນການ ເສີມຂະຫຍາຍສາຍພົວພັນມິດຕະພາບແລະ ການຮ່ວມມືອັນດີງາມ ລະຫວ່າງ​ ອົງການ​ກາ​ແດງລາວ ກັບ ສະຫະພັນ​ກາ​ແດງ ​ແລະ ຊີກ​ວົງ​ເດືອນ​ແດງ​ສາກົນ ​ໃຫ້ນັບມື້ດີຂຶ້ນເລື້ອຍໆພ້ອມທັງ ສະແດງຄວາມຂອບໃຈຕໍ່ອົງການ​ດັ່ງກ່າວ ທີ່ໄດ້ໃຫ້ການສະໜັບສະໜູນຊ່ວຍເຫລືອດ້ານຕ່າງໆແກ່ ສປປ ລາວ ໃນໄລຍະຜ່ານມາ ອັນໄດ້ປະກອບສ່ວນສຳຄັນ ເຂົ້າໃນການສົ່ງ​ເສີມ​ວຽກ​ງານ​ສຸຂະພາບ, ວຽກ​ງານ​ໄພພິບັດ, ວຽກ​ງານ​ເລືອດ ​ແລະ ການ​ຊ່ວຍ​​ເຫລືອບັນ​ເທົາ​ທຸກ​ແກ່​ປະຊາຊົນ​ລາວ ​​ຜູ້​ທີ່​ໄດ້​ຮັບ​ຜົນ​ກະທົບ ຈາກ​ໄພ​ທໍາມະ​ຊາດ​ໄດ້​ເປັນ​ຢ່າງ​ດີ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...