ທ່ອງທ່ຽວ ກັບ ລາວໂພສ໌ ມື້ນີ້ເຮົາມາຮູ້ຈັກກັບສະຖານທີ່ທ່ອງທ່ຽວທີ່ສວຍງາມອີກໜຶ່ງສະຖານທີ່ໃນເມືອງທ່າແຂກ ແຂວງ ຄຳມ່ວນ ນັ້ນກໍ່ຄື ຖ້ຳຊ້າງ
ຖ້ຳພະບ້ານຖ້ຳ(ຖ້ຳຊ້າງ) ຕັ້ງຢູ່ບ້ານຖ້ຳເມືອງທ່າແຂກ ຫ່າງຈາກຕົວເມືອງທ່າແຂກປະມານ 8 km ໄປຕາມທາງເລກ 12
ພາຍໃນຖ້ຳຈະມີພະພຸດທະຮູບ, ມີຮູບປັ້ນອົງຄະລັກຕ່າງໆ ສິ່ງທັງຫມົດນັ້ນພູມປັນຍາສັດທາຂອງຊາວພຸດໄດ້ພ້ອນກັນສ້າງ ແລະ ເອົາໄປປະດິດໄວ້ແຕ່ໃນສ່ວນທີ່ເປັນທຳມະຊາດນັ້ນ ພາຍໃນຖ້ຳກໍ່ມີຫີນທີ່ເປັນຮູບສັດຕ່າງໆເຊິ່ງແລ້ວແຕ່ຜູ້ທີ່ພົບເຫັນຈະໃຫ້ຈິນຕະນາການ, ມີຫີບໃສ່ໃບລານທີ່ເຮັດດ້ວຍຫີນຢູ່ກຳຊ້າຍຂອງຖ້ຳ(ສັງເກດເວລາເຮົາເຂົ້າປາກຖ້ຳ)
ສ່ວນປະຫວັດຄວາມເປັນມາຂອງຖ້ຳແຫ່ງນີ້ທະຫານອາສາສະມັກຫວຽດນາມທີ່ີປະຕິບັດຫນ້າທີ່ຄຽງບ່າຄຽງໄຫລ່ກັບທະຫານກອງ ທັບລາວອິດສະລະໄດ້ສະລະຊີບເປັນຈຳນວນນັບຣ້ອຍໃນຊ່ວງຊຸມປີ 1960 ຂອງສັດຕະວັດທີ່ 20 ຈຸດພິເສດຂອງຖ້ຳນີ້ແມ່ນປິ່ນຫນ້າ ໃສ່ກັບຍາມ ບ່າຍຄ້ອຍແລງລົງແສງສະທ້ອນຈາກພະອາທິດໄດ້ຊ່ວຍໃຫ້ພວກເຣົາສາມາດເບິ່ງເຫັນທຸກສິ່ງໃນບໍລິເວນປາກຖ້ຳໂດຍບໍ່ຕ້ອງໃຊ້ ໄຟສາຍເຍືອງທາງ.
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!