ບັນເທີງ ກັບ ລາວໂພສຕ໌ ມື້ນີ້ ແອັດມິນໄດ້ໄປສ່ອງເບິ່ງເຟສບຸກໜຶ່ງທີ່ມີຊື່ວ່າ Until You ຈົນກວ່າໄດ້ຮັກກັນ ຫຼັງຈາກທີ່ແອັດມິນບໍ່ໄດ້ເຂົ້າໄປເບິ່ງດົນແລ້ວ ເມື່ອເຂົ້າໄປເບິ່ງມື້ນີ້ ອ້າວ!!!… ທາງເພສເພິ່ນມີການປະກາດຮັບສະໝັກນັກສະແດງໜ້າໃໝ່ຕັວະນິ!
ເຊິ່ງໃນໂຄງການ “BADFRIEND the series – Casting Project” ກັບຊີຣີ້ເລື່ອງ “BADFRIEND” ໄດ້ເປີດໂອກາດໃຫ້ໄວລຸ້ນທຸກຄົນທີ່ມີຄວາມຄວາມຝັນ, ຄວາມກ້າສະແດງອອກ ເຂົ້າມາຮ່ວມຄັດເລືອກ… ສຳລັບນ້ອງໆຄົນໃດທີ່ມີຄວາມໝັ້ນໃຈກໍ່ເຂົ້າໄປສະໝັກທີ່ເພສຂອງເພິ່ນໄດ້ທີ່ Until You ຈົນກວ່າໄດ້ຮັກກັນ ຟ້າວໄປສະໝັກກັນຫຼາຍໆ ບາງເທື່ອໜຶ່ງໃນນັກສະແດງຊີຣີ້ເລື່ອງນີ້ອາດເປັນທ່ານ
ເຊິ່ງໃນຊີຣີ້ເລື່ອງນີ້ ເພິ່ນບອກໄວ້ລ່ວງໜ້າເລີຍວ່າ ຮ້ອນແຮງຍິ່ງໃຫຍ່ກວ່າເກົ່າ, ຄັກກວ່າເກົ່າ ແລະ ເຂັ້ມຂົ້ນກວ່າທີ່ເຄີຍມີມາແນ່ນອນ ສະນັ້ນສຳລັບແຟນຊີຣີ້ຂອງເພິ່ນທີ່ເຄີຍເບິ່ງເລື່ອງທີ່ຜ່ານມາຕ້ອງມາຕິດຕາມໄປນຳກັນ ວ່າຊີຣີ້ເລື່ອງ “BADFRIEND” ຈະເປັນເລື່ອງລາວແນວໃດ ຈະແຊ໊ບ, ເຜັດ, ຮ້ອນ ກວ່າເລື່ອງທີ່ຜ່ານມາບໍ່ ແລະ ຈະມີນັກສະແດງໜ້າໃໝ່ຄົນໃດແນ່ນັ້ນ ຕ້ອງຕິດຕາມນຳກັນ
ເຄຣດິດຈາກ: ແຟນບຸກ Until You ຈົນກວ່າໄດ້ຮັກກັນ