ສຳລັບຄູ່ທີ່ກຳລັງມີແຜນແຕ່ງງານ ແລະ ກຳລັງຄິດຈະຕົບແຕ່ງງານດອງໃຫ້ອອກມາງາມອະລັງການ ຫຼື ງາມແບບໜ້າຮັກ ເພື່ອເຮັດໃຫ້ແຂກທີ່ມາຮ່ວມງານສຳພັດໄດ້ເຖິງກິ່ນອາຍຂອງຄວາມຮັກອັນສົດໃສ ຫວານຊື່ນຂອງເຈົ້າບ່າວ-ເຈົ້າສາວ, ເຊິ່ງເລື່ອງແບບນີ້ເຈົ້າສາວສ່ວນຫຼາຍຈະເປັນຄົນຄິດ ແລະ ກໍ່ເຈົ້າສາວຫຼາຍຄົນທີ່ຄິດເຟີ້ຝັນຢາກໃຫ້ງານແຕ່ງຂອງຕົນເອງມີດອກໄມ້ເຕັມງານດັ່ງສວນດອກໄມ້ໃນອຸດທະຍານ ຄືດັ່ງທີ່ເຄີຍເບິ່ງ ເຊິ່ງສຳລັບຄູ່ທີ່ມີງົບປະມານຈັດງານດອງຫຼາຍກໍ່ສາມາດເຮັດໄດ້ ແຕ່ສຳລັບຄູ່ມີ່ງົບໜ້ອຍກໍ່ຄົງໄດ້ພຽງແຕ່ຝັນ ເພາະງົບທີ່ໃຊ້ຈ້າງຮ້ານມາຈັດດອກໄມ້ໃນງານດອງນັ້ນມັນມີລາຄາຄ່ອນຂ້າງແພງຫຼາຍ ຖ້າຈະຊື້ມາຈັກເອງກໍ່ບໍ່ແນ່ໃຈວ່າຈະອອກມາງາມດັ່ງທີ່ຄິດບໍ່ ເພາະການຈັດດອກໄມ້ແມ່ນຕ້ອງໃຊ້ສິນລະປະທີ່ລະອຽດອ່ອນຫຼາຍມືອາຊີບເທົ່ານັ້ນຈິ່ງເຮັດອອກມາໄດ້ງາມ ແລະ ດອກໄມ້ບໍ່ເສຍຫາຍ
ດັ່ງນັ້ນ ມື້ນີ້ເລີຍມີແນວຄິດການນຳເອົາປຸ່ມເປົ້າມາຈັດໃນງານແທນດອກໄມ້ ເຊິ່ງປຸ່ມເປົ້າແມ່ນຈະຈັດງ່າຍກວ່າດອກໄມ້, ຊື້ປຸ່ມເປົ່າມາຈັດເອງຊວນໝູ່ເພື່ອນຕົບແຕ່ງຊ່ວຍ ນອກຈາກຜົນທີ່ໄດ້ຮັບມັນຈະອອກມາງາມໜ້າຮັກແລ້ວ ມັນຍັງມີພາບຄວາມສົງຈຳໃນການຕົບແຕ່ງງານດອງຂອງເຈົ້າບ່າວ-ເຈົ້າສາວ ພ້ອມໝູ່ເພື່ອນໄດ້ເຮັດຮ່ວມກັນ ແລະ ທີ່ສຳຄັນປຸ່ມເປົ້າຫາຊື້ງ່າຍ ລາຄາກໍ່ບໍ່ແພງອີກດ້ວຍ.
