ສຳນັກຂ່າວຕ່າງປະເທດ ລາຍງານໃນວັນທີ 21 ພະຈິກຜ່ານມານີ້ວ່າ ເກີດເຫດໂຈມຕີດ້ວຍລະເບີດຂ້າຕົວຕາຍ ຢູ່ມັດສະຍິດບາເຄີ ອູນ ໂອລູມ ຊຶ່ງເປັນມັດສະຍິດຂອງຊາວມຸດສະລິມ ນິກາຍຊີອະ ໃນນະຄອນຫລວງກາບູນ ປະເທດອັບການິສະຖານ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 27 ຄົນ ແລະ ໄດ້ຮັບບາດເຈັບອີກປະມານ 35 ຄົນ.

ເຈົ້າໜ້າທີ່ທາງການອັບການິສະຖານ ໄດ້ອອກມາເປີດເຜີຍວ່າ ມືລະເບີດໄດ້ໃຊ້ວິທີການຍ່າງເຂົ້າມາພາຍໃນມັດສະຍິດ ແລ້ວທຳການຈູດກະນວນລະເບີດ ທ່າມກາງຝູງຊົນຈຳນວນຫລາຍ, ປັດຈຸບັນ ຍັງບໍ່ທັນມີກຸ່ມໃດໆອອກມາສະແດງຄວາມຮັບຜິດຊອບ ຊຶ່ງໃນໄລຍະບໍ່ພໍເທົ່າໃດເດືອນມານີ້ ຊາວອັບການິສະຖານ ທີ່ມີຜູ້ນັບຖືນິກາຍຊີອະ ປະມານ 15% ຂອງປະຊາກອນທັງໝົດ ໄດ້ຕົກເປັນເປົ້າຂອງການໂຈມຕີ ຈາກຄວາມຮຸນແຮງທາງສາສະໜາໜາ ນັບຫລາຍຄັ້ງ.

 
ຕິດຕາມເຮົາທາງFacebook ກົດຖືກໃຈເລີຍ!