ຂີ້ແຮ້ ເປັນສ່ວນໜຶ່ງຂອງຮ່າງກາຍ ຄວນດູແລຮັກສາຢ່າງສະໝໍ່າສະເໝີ ເພື່ອຄວາມສະອາດ, ດຽວນີ້ມີຜະລິດຕະພັນທີ່ດູແລຂີ້ແຮ້ ແລະລະງັບກິ່ນ ແຕ່ເມື່ອເຫື່ອອອກມາ ມັນເຮັດໃຫ້ເກີດຄາບເທິງເສື້ອຜ້າໄດ້. ຄົນສ່ວນຫຼາຍຄິດວ່າ ເມື່ອກຳຈັດຂົນຂີ້ແຮ້ອອກແລ້ວ ຈະລະງັບກິ່ນ ຈຶ່ງກຳຈັດຂົນຂີ້ແຮ້ອອກ ແຕ່ບໍ່ດົນຂົນກໍຂຶ້ນມາອີກຢ່າງໄວ.
ມື້ນີ້ເຮົາມີວິທີແນະນຳ ກຳຈັດຂົນຂີ້ແຮ້ ແບບທຳມະຊາດດ້ວຍວິທີງ່າຍໆ ທີ່ສາມາດປະຢັດເງິນ ຈາກການໄປຮ້ານເສີມຄວາມງາມ ເພື່ອຖອນຂົນອັນແສນເຈັບ, ວິທີນີ້ ໃຊ້ສ່ວນປະສົມຈາກທຳມະຊາດ ທີ່ມີສານຕ້ານອະນຸມູນອິດສະລະ, ວິຕາມິນ ແລະແຮ່ທາດ ທີ່ຊ່ວຍທະໜຸຖະໜອມ ແລະຊ່ວຍເຮັດໃຫ້ຜິວງາມຂຶ້ນອີກດ້ວຍ
- ການເອົາໝາກນາວ 1 ບ່ວງແກງ ແລະນໍ້າຕານຊາຍ 2 ບ່ວງແກງ ເອົາທັງສອງປະສົມໃສ່ກັນ ແລ້ວເອົາສ່ວນປະສົມນີ້ ມາທາຂີ້ແຮ້ ແລະປ່ອຍປະໄວ້ປະມານ 2-3 ນາທີ ແລ້ວເຊັດອອກດ້ວຍຜ້າຈຸບນໍ້າພໍຊຸ່ມ ແລ້ວເຊັດໃຫ້ສະອາດ ເຮັດອາທິດລະ 2 ເທື່ອ ຂົນຂີ້ແຮ້ເຈົ້າຈະຫຼຸດລົງທຸກຄັ້ງ
- ໄຂ່ ແລະແປ້ງສາລີ ໂດຍການໃຊ້ໄຂ ແລະແປ້ງສາລີແນວລະເຄິ່ງບ່ວງແກງ ມາປະສົມຈົນເປັນເນື້ອດຽວກັນ ແລ້ວໃຊ້ທາຂີ້ແຮ້ ລໍຖ້າຈົນແຫ້ງ ແລະລ້າງອອກດ້ວຍນໍ້າ ອາທິດລະ 2 ຄັ້ງ ຈະເຮັດໃຫ້ຂົນຫຼົ່ນອອກ ແລະຂີ້ແຮ້ຂາວຂຶ້ນ ແຖມຫຼຸດກິ່ນໄດ້ອີກ
- ນົມ ແລະຂີ້ໝິ້ນ: ໃຊ້ຂີ້ໝິ້ນ 1 ບ່ວງແກງ ແລະນົມ 2 ບ່ວງແກງ ມາປະສົມໃຫ້ເຂົ້າກັນ ໃຊ້ທາຂີ້ແຮ້ ແລ້ວປະໄວ້ປະມານ 2 ນາທີ ແລະລ້າງອອກດ້ວຍນໍ້າສະອາດ ອາທິດໜຶ່ງເຮັດ 2 ຄັ້ງ ຈະເຮັດໃຫ້ຂົນຫຼຸດລົງ ແລະບໍ່ມີຂົນໄດ້
ຕິດຕາມນານາສາລະ ກົດໄລຄ໌ເລີຍ!