spot_img
Homeສຸຂະພາບ ແລະ ສີ່ງແວດລ້ອມສປປ ລາວ ເລັ່ງເພື່ອລົບລ້າງພາວະການຂາດສານອາຫານ

ສປປ ລາວ ເລັ່ງເພື່ອລົບລ້າງພາວະການຂາດສານອາຫານ

Published on

ເພື່ອຢ້ຳເຖິງຄວາມມຸ້ງໝັ້ນຂອງສປປ ລາວ ໃນການສຸມໃສ່ລົບລ້າງພາວະການຂາດສານອາ ຫານພາຍໃນປະເທດ. ກອງເລຂາຄະນະກຳມະການ ວຽກງານໂພຊະນາການແຫ່ງຊາດ ໂດຍການສະໜັບສະໜູນຈາກສະຫະພາບເອີຣົບ ແລະ ອົງການ UNICEF ໄດ້ຈັດກອງປະຊຸມປຶກສາຫາລືຂະບວນການໂຕະມົນ ດ້ານວຽກງານໂພຊະນາການແຫ່ງຊາດ ຄັ້ງທີ 2 ໃນວັນທີ 17 ພະຈິກ 2016 ທີ່ນະ ຄອນຫລວງວຽງຈັນ, ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີສປປ ລາວ,ລັດຖະມົນຕີກະຊວງການເງິນ, ມີທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ຜູ້ຕາງໜ້າອົງການ UNICEF ແລະ ທ່ານ ເອກອັກຄະລັດຖະທູດເອີຣົບປະຈຳ ສປປ ລາວ, ພ້ອມດ້ວຍພະແນກການທີ່ກ່ຽວຂ້ອງແຂວງຕ່າງໆເຂົ້າຮ່ວມນໍາດ້ວຍ.

ທ່ານຮອງນາຍົກລັດຖະມົນຕີ ສົມດີ ດວງດີ ກ່າວວ່າ: ຕະຫລອດໄລຍະຜ່ານມາຍາມໃດພັກ ແລະ ລັດຖະບານ ສປປ ລາວ ໄດ້ຖືເອົາວຽກງານໂພຊະນາການເປັນໜຶ່ງໃນບູລິມະສິດ ແລະ ວາລະຂອງຊາດ, ເຊິ່ງໄດ້ມີການຈັດຕັ້ງກົນໄກປະສານງານຫລາຍພາກສ່ວນ, ພ້ອມທັງໄດ້ເອົາໃຈໃສ່ຈັດສັນງົບປະມານ, ຂົນຂວາຍການສະໜັບສະໜູນຂອງສາກົນ ແລະ ສັງຄົມ ເຂົ້າໃນການຈັດຕັ້ງປະຕິບັດວຽກງານດັ່ງກ່າວ ແລະ ຜ່ານວິທີການແບບປະສົມປະສານຈັດຕັ້ງປະຕິບັດຍຸດທະສາດວຽກງານໂພຊະນາການ, ແຜນປະຕິບັດງານແຫ່ງຊາດ ແລະ ການບັນລຸເປົ້າໝາຍລະດັບຊາດ ແລະ ສາກົນ.           ພ້ອມດຽວກັນນີ້,  ທ່ານ ສົມດີ ດວງດີ ຍັງໄດ້ຢໍ້າເຖິງຄວາມຈຳເປັນ ໃນການສ້າງຄວາມເຂັ້ມແຂງໃຫ້ແກ່ກົງຈັກຢູ່ໃນຂັ້ນແຂວງ ແລະ ເມືອງ ເພື່ອສົ່ງເສີມການວາງແຜນແບບຫລາຍພາກສ່ວນ, ການຂຶ້ນງົບປະມານ, ການຕິດຕາມກວດກາ ແລະ ການລາຍງານໃຫ້ເປັນປະຈໍາ.

ໃນໂອການດຽວກັນ ທ່ານລັດຖະມົນຕີກະຊວງສາທາລະນະສຸກກໍໄດ້ໃຫ້ຮູ້ວ່າ: ອີງຕາມຂໍ້ມູນໃໝ່ກ່ຽວກັບລະດັບພາວະການຂາດສານອາຫານ ໃນສປປ ລາວ ແມ່ນໄດ້ມີການປັບປຸງໃຫ້ດີຂຶ້ນເປັນບາງສ່ວນ, ຂໍ້ມູນການສຳຫລວດຫລ້າສຸດສະແດງໃຫ້ເຫັນວ່າ ມີການຫລຸດລົງຂອງຈຳນວນຜູ້ທີ່ມີການພັດທະນາຊ້າ ຢູ່ໃນເດັກນ້ອຍ ທີ່ມີອາຍຸ 5 ປີ ຈາກ 44% ໃນປີ 2011 ມາເປັນ 36% ໃນປີ 2015, ໃນນັ້ນເດັກນ້ອຍທີ່ອາໃສຢູ່ໃນເຂດຊົນນະບົດຫ່າງໄກສອກຫລີກ ມີທ່າອ່ຽງທີ່ຈະພົບບັນຫາດ້ານພັດ ທະນາການຊ້າ ຫລາຍກ່ວາເດັກນ້ອຍທີ່ອາໃສຢູ່ໃນເຂດຕົວເມືອງ. ໃນບາງແຂວງ ແມ່ນມີລະດັບຂອງຜູ້ທີ່ມີພັດທະນາການຊ້າ ທີ່ກົງກັບມາດຕະຖານຂອງອົງການອານາໄມໂລກ ທີ່ເປັນບັນຫາດ້ານສາທາລະນະສຸກທີ່ຮ້າຍແຮງ. ສະນັ້ນ, ກອງປະຊຸມດັ່ງກ່າວ ມັນມີຄວາມສຳຄັນຫລາຍ ເພາະເປັນເວທີລະດົມການສະໜັບສະໜູນ, ເປັນເວທີແລກປ່ຽນປຶກສາຫາລື ແລະ ໃຫ້ມີການຈັດຕັ້ງປະຕິບັດແບບໜຶ່ງດຽວຮ່ວມກັນຫລາຍຂະແໜງການ ເພື່ອນຳເອົາມາດຕະການບູລິມະສິດ ໄປຈັດຕັ້ງປະຕິບັດໃນພື້ນທີ່ບ່ອນດຽວກັນ, ເວລາດຽວກັນ ແລະ ເຂົ້າເຖິງເປົ້າໝາຍດຽວກັນ. ພ້ອມດຽວກັນນີ້ ກອງປະຊຸມຍັງໄດ້ອອກຖະແຫລງການໂດຍມີສ່ວນຮ່ວມທຸກຝ່າຍ ທີ່ຈະສືບຕໍ່ໃຫ້ຄຳໝັ້ນສັນຍາ ແລະ ສະໜັບສະໜູນ ເພື່ອບັນລຸຈຸດປະສົງ ແລະ ເປົ້າໝາຍ ຂອງຍຸດທະສາດວຽກງານໂພຊະນາການແຫ່ງຊາດ.

ຂ່າວຈາກ: laophatthananewspaper
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...