ຂປລ. ໃນວັນທີ 16 ພະຈິກນີ້, ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີການມອບ-ຮັບເງິນ ຈຳນວນ 22 ລ້ານກີບ ຈາກໂຮງງານຢາເລກ 2 ວຽງຈັນ ເພື່ອສົມທົບທຶນເຂົ້າໃສ່ໂຄງການປະຕິສັງຂອນ ພະທາດຫລວງວຽງຈັນ ຕາງໜ້າມອບໂດຍ ທ່ານ ນາງ ເກີດແກ້ວ ຈິດຕິຍະວົງ ຄະນະອຳນວຍການໂຮງງານຢາເລກ 2 ວຽງຈັນ, ຮັບໂດຍ ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການເງິນ. ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ພ້ອມທັງເປັນອະນຸກຳມະການ ໂຄງການປະຕິສັງຂອນ ພະທາດຫລວງວຽງຈັນ.
ໃນໂອກາດດັ່ງກ່າວ, ທ່ານ ນາງ ແພງຈັນ ແພງເມືອງ ກໍໄດ້ສະແດງຄວາມຍ້ອງຍໍຊົມເຊີຍ ຂອບອົກຂອບໃຈຕໍ່ ທ່ານ ນາງ ເກີດແກ້ວ ຈິດຕິຍະວົງ ຄະນະອຳນວຍການ ໂຮງງານຢາເລກ 2 ວຽງຈັນ ທີ່ນຳເອົາວັດຖຸປັດໄຈ ມາປະກອບສ່ວນສົມທົບ ໃນໂຄງການປະຕິສັງຂອນພະທາດຫລວງວຽງຈັນ, ພ້ອມທັງໄດ້ຮຽກຮ້ອງມາຍັງສັງຄົມ ແລະ ພາກສ່ວນຕ່າງໆ ໃຫ້ສືບຕໍ່ປະກອບສ່ວນວັດຖຸມີຄ່າ ເຂົ້າໃນໂຄງການດັ່ງກ່າວ ໃຫ້ຫລາຍເພີ່ມຂຶ້ນເລື້ອຍໆ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!