ອີງຕາມສໍານັກຂ່າວປະເທດຈີນລາຍງານວັນທີ 18 ພະຈິກ ວ່າ: ເມື່ອບໍ່ກີ້ວັນມານີ້ເກີດເຫດປະກົດການປະຫຼາດຂຶ້ນທີ່ເມືອງ ຫາງໂຈວ ບໍລິເວນເຂດຊຽວຊານ ມົນທົນເຈີ້ຈຽງ ຢູ່ໆກໍເກີດຝົນຕົກລົງເປັນສີດໍາ ເຮັດໃຫ້ບ້ານເຮືອນ ແລະລົດ ທົ່ວພື້ນທີ່ຖືກປົກຄຸມໄປດ້ວຍສີດໍາ ເຊັນດຽວກັບຜູ້ຄົນທີ່ຍ່າງກໍເປິເປື້ອນຄືກັບຖືກເຂມ່າຖ່ານຫີນ.

ເຫດການດັ່ງກ່າວ ເຮັດໃຫ້ທາງການທ້ອງຖິ່ນໄດ້ອອກມາຊີ້ແຈງໃນເວລາຕໍ່ມາວ່າ ເຫດຝົນຕົກປະຫຼາດເປັນສີດໍານັ້ນ ເປັນຜົນກະທົບຈາກການຕິດຕັ້ງອຸປະກອບການຮື້ຖອນ ບໍລິສັດເຊື້ອເພີງແຫ່ງຫຼຶ່ງ ທີ່ຖືກປະຮ້າງໄວ້ໃກ້ເຂດຊຸມຊົນ ແຕ່ການຮື້ຖອນເປັນໄປຢ່າງບໍ່ເໝາະສົມ ເຮັດໃຫ້ຝຸຸ່ນປິໂຕລຽມໂຄ້ກ ຮົ່ວໄຫຼອອກມາ ກາຍເປັນພາວະສຸກເສີນ.

ສໍາຫຼັບສ່ວນປະກອບສໍາຄັນຂອງຝຸ່ນປິໂຕລຽມໂຄ້ກຄື ກາກບອນທີ່ບໍ່ມີຜິດ ແລະສາມາດລ້າງນໍ້າເຮັດຄວາມສະອາດອອກໄດ້ບໍ່ຍາກ ຊຶ່ງຫຼັງເກີດເຫດດັ່ງກ່າວ ທາງການທ້ອງຖິ່ນໄດ້ເຂົ້າດໍາເນີນການໃນພາວະສຸກເສີນທັນທີ ເພື່ອທໍາຄວາມສະອາດພື້ນທີ່ຊຸມຊົນທີ່ໄດ້ຮັບຜົນກະທົບ ພ້ອມກັບທໍາການສອບສວນ ແລະດໍາເນີນຄະດີຜູ້ທີ່ກ່ຽວຂ້ອງກັບຄວາມຜິດພາດໃນຄັ້ງນີ້ຢ່າງຫຼີກລ່ຽງບໍ່ໄດ້.