ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ບັນດາຍາດຕິພີ່ນ້ອງ ຕະກູນຫວງ ຈາກທົ່ວໂລກ ໄດ້ຈັດງານລ້ຽງລວມຍາດ ໃນວັນທີ 13 ພະຈິກ 2016 ທີ່ຜ່ານມາ ຢູ່ບ້ານເຊັ່ຍຊາ ເຂດຝູຖຽນ ເມືອງເຊິນເຈິ້ນ ແຂວງກວາງຕຸ້ງ ປະເທດຈີນ ຊຶ່ງເປັນງານລ້ຽງລວມຍາດຕະກູນຫວງ ລຸ້ນທີ 12 ຄັ້ງທີ 3 ໂດຍພາຍໃນງານ ໄດ້ມີການຈັດລ້ຽງອາຫານ 3,200 ໂຕະ ເພື່ອຮອງຮັບຍາດຕິພີ່ນ້ອງ ທີ່ເດີນທາງເຂົ້າມາຮ່ວມ ຫລາຍກວ່າ 32,000 ຄົນ.
ເຈົ້າໜ້າທີ່ຜູ້ຈັດງານ ຊຶ່ງເປັນໜຶ່ງໃນສະມາຊິກຕະກູນຫວງ ໄດ້ເປີດເຜີຍວ່າ ພີ່ນ້ອງທີ່ເຂົ້າມາຮ່ວມຄັ້ງນີ້ ເດີນທາງມາຈາກ 28 ປະເທດທົ່ວໂລກ ແລະ ເມືອງຕ່າງໆທົ່ວປະເທດຈີນ ຊຶ່ງນອກຈາກຈະມີການຈັດງານລ້ຽງອາຫານແລ້ວ ພາຍໃນງານຍັງມີການສະແດງເຊີ້ງສິງໂຕ ແລະ ການສະແດງມ່ວນຊື່ນອື່ນໆຢ່າງຄຶກຄື້ນ.
ຕິດຕາມເຮົາທາງFacebook ກົດຖືກໃຈເລີຍ!