Homeຂ່າວຕ່າງປະເທດຊາວບ້ານດື່ມເຫລົ້າຕົ້ມປົນເປື້ອນສານພິດ ເສຍຊີວິດຢ່າງໜ້ອຍ 21 ຄົນ ຢູ່ປະເທດກາເມຣູນ

ຊາວບ້ານດື່ມເຫລົ້າຕົ້ມປົນເປື້ອນສານພິດ ເສຍຊີວິດຢ່າງໜ້ອຍ 21 ຄົນ ຢູ່ປະເທດກາເມຣູນ

Published on

ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ເກີດເຫດເສົ້າສະຫລົດໃຈ ເມື່ອປະຊາຊົນຢູ່ເມືອງມິນດູຣູ ທາງພາກຕາເວັນອອກຂອງປະເທດກາເມຣູນ ພາກັນກິນເຫລົ້າຕົ້ມຊຶ່ງປົນເປື້ອນສານພິດ ໃນງານລ້ຽງແຫ່ງໜຶ່ງ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 21 ຄົນ ແລະ ອີກ 6 ຄົນ ຍັງຕ້ອງນອນປິ່ນປົວຢູ່ໂຮງໝໍ ເມື່ອວັນອາທິດທີ 13 ພະຈິກຜ່ານມານີ້.

ທ່ານ ໂຣແບ ມາຕູແຣັງ ບິຢາງ ເຈົ້າໜ້າທີ່ສາທາລະນະສຸກທ້ອງຖິ່ນ ໄດ້ລະບຸວ່າ ຜູ້ທີ່ດື່ມເຫລົ້າຕົ້ມໃນເທື່ອນີ້ ມີບາງຄົນມີອາການປວດທ້ອງ, ບໍ່ສາມາດເບິ່ງເຫັນໄດ້ ແລະ ໝົດສະຕິ ໂດຍໃນຈຳນວນຜູ້ເສຍຊີວິດທັງໝົດນີ້ ມີເຖິງ 14 ຄົນ ນອນເສຍຊີວິດຄາທີ່ຢູ່ໃນງານລ້ຽງ.

ດ້ານເຈົ້າໜ້າທີ່ອົງການປົກຄອງທ້ອງຖິ່ນ ໄດ້ອອກຄຳເຕືອນປະຊາຊົນ ໃຫ້ລະມັດລະວັງໃນການຕົ້ມເຫລົ້າດື່ມເອງ ເນື່ອງຈາກມີຄວາມສ່ຽງອາດມີສານພິດປົນເປື້ອນ ໂດຍບໍ່ໄດ້ຕັ້ງໃຈ.
 

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...