ສຳນັກຂ່າວຕ່າງປະເທດ ລາຍງານໃນວັນທີ 16 ພະຈິກນີ້ວ່າ ອົງການອັບສະຣາ ຊຶ່ງຮັບຜິດຊອບຄຸ້ມຄອງອຸທິຍານບູຮານສະຖານນະຄອນວັດ ໄດ້ອອກມາລະບຸວ່າ ໄດ້ມີຄຳສັ່ງຫ້າມບໍ່ໃຫ້ເຮືອບິນຂະໜາດນ້ອຍ ຄວບຄຸມໄລຍະໄກ ຫລື ໂດຣນ ບິນຢູ່ເໜືອເຂດບູຮານສະຖານນະຄອນວັດ ຂອງກຳປູເຈຍ ເພື່ອຮັບປະກັນຄວາມປອດໄພສຳລັບນັກທ່ອງທ່ຽວ ແລະ ປ້ອງກັນຜົນກະທົບທີ່ອາດເກີດຂຶ້ນ ຕໍ່ກັບຜາສາດຫີນດັ່ງກ່າວນີ້ ໂດຍຜູ້ທີ່ຝ່າຝືນ ຈະຖືກຕັກເຕືອນ ຫລື ອາດຖືກຍຶດອຸປະກອນດັ່ງກ່າວ, ແນວໃດກໍຕາມ ຖ້າກໍລະນີທີ່ມີຄວາມຈຳເປັນ ຜູ້ທີ່ຕ້ອງການໃຊ້ງານໂດຣນ ພາຍໃນພື້ນທີ່ຜາສາດຫີນນະຄອນວັດ ສາມາດຍື່ນຂໍໃບອະນຸຍາດຈາກ ອົງການອັບສະຣາ ກ່ອນ.
ທັງນີ້ ນອກຈາກເຂດອຸທິຍານຜາສາດຫີນນະຄອນວັດແລ້ວ ທາງການກຳປູເຈຍ ຍັງຫ້າມບໍ່ໃຫ້ໃຊ້ໂດຣນ ບິນເໜືອນ່ານຟ້າ ນະຄອນຫລວງພະນົມເປັນ ນັບຕັ້ງແຕ່ເດືອນກຸມພາປີ 2015 ຜ່ານມາ ພາຍຫລັງທີ່ມີນັກທ່ອງທ່ຽວຊາວເຢຍລະມັນ ບັງຄັບໂດຣນຂຶ້ນໄປບິນຖ່າຍວີດີໂອ ເໜືອເຂດພະຣາຊະວັງ.
ຕິດຕາມເຮົາທາງFacebook ກົດຖືກໃຈເລີຍ!