ສາວຊາວຈີນໄວ 19 ປີ ຢືນຈັບປ້າຍຂະໜາດໃຫຍ່ຢູ່ໃນລົດໄຟຟ້າໃຕ້ດິນຫາງໂຈວ ສະເໜີຂາຍຄວາມບໍລິສຸດຂອງລາວ ໃນລາຄາ 200.000 ຢວນ ແລະຍັງບອກອີກວ່າລາວມີໃບຮັບຮອງຈາກໂຮງໝໍເຖິງຄວາມບໍລິສຸດຂອງລາວ.

ສາວຄົນດັ່ງກ່າວເປັນຊາວມົນທົນຢູນນານ ລາວຕ້ອງການຫາເງິນເພື່ອໃຊ້ສໍາລັບການປິ່ນປົວອ້າຍອາຍຸ 23 ປີທີ່ເປັນພະຍາດມະເຮັງເມັດເລືອດຂາວ ຊຶ່ງໃນຕອນນີ້ກໍາລັງປິ່ນປົວຢູ່ໂຮງໝໍທ້ອງຖິ່ນ.

ການກະທໍາຂອງລາວດຶງດູດຄວາມສົນໃຈຂອງຜູ້ໂດຍສານພາຍໃນລົດໄຟຟ້າໃຕ້ດິນຢ່າງຫຼວງຫຼາຍ ທັ້ງນີ້ ເລື່ອງລາວທັງໝົດຈົບລົງດ້ວຍການທີ່ເຈົ້າໜ້າທີ່ຕໍາຫຼວດເຊີນຕົວໄປເວົ້າ ເພື່ອທໍາຄວາມເຂົ້າໃຈຢູ່ທີ່ຫ້ອງການຕໍາຫຼວດ ເນື່ອງຈາກການກະທໍານີ້ຖືເປັນຄວາມຜິດ ແລະຄວນຄິດຊອກຫາວິທີຊ່ວຍເຫຼືອອື່ນໆ.

ຂະນະທີ່ອ້າຍຂອງລາວກ່າວວ່າ ເຂົາຮູ້ສຶກບໍ່ດີທີ່ຕົນເອງຕ້ອງກາຍມາເປັນພາລະໃຫ້ກັບຄອບຄົວ ເຂົາຕ້ອງການທີ່ຈະອອກຈາກໂຮງໝໍ ແລະກັບໄປຢູ່ເຮືອນ ເພື່ອໃຫ້ນ້ອງສາວຂອງເຂົາໄດ້ກັບໄປຮຽນໜັງສືຄືທີ່ຜ່ານມາ.