spot_img
Homeຂ່າວຕ່າງປະເທດປະທ້ວງ ໂດນັັນ ທຣັມ ດ້ວຍເຈ້ຍໂນດ! ເຕັມກໍາແພງສະຖານີລົດໄຟໃຕ້ດິນ

ປະທ້ວງ ໂດນັັນ ທຣັມ ດ້ວຍເຈ້ຍໂນດ! ເຕັມກໍາແພງສະຖານີລົດໄຟໃຕ້ດິນ

Published on

ການປະທ້ວງຕໍ່ຕ້ານ ໂດນັນ ທຣັມ  ຍັງຄົງມີຕໍ່ເນື່ອງຫຼາຍຮູບແບບ ໂດຍທີ່ນິວຢອກມີການຂຽນຂໍ້ຄວາມເທິງເຈ້ຍໂນດ ຫຼືເຈ້ຍນ້ອຍ ນໍາມາຕິດໃສ່ກໍາແພງສະຖານີລົດໄຟໃຕ້ດິນ.

ສໍານັກຂ່າວຮອຍເຕີລາຍງານໃນວັນທີ 14 ພະຈິກນີ້ວ່າ: ຜູ້ໃຊ້ບໍລິການລົດໄຟໃຕ້ດິນໃນນິວຢອກ ຕ່າງກໍແປກໃຈ ເມື່ອໄດ້ເຫັນກໍາແພງທີ່ສະຖານີລົດໄຟໃຕ້ດິນ ເຕັມໄປດ້ວຍເຈ້ຍໂນດ ຫຼາຍສີສັນ ຂຽນຂໍ້ຄວາມຕໍ່ຕ້ານ ໂດນັນ ທຣັມ ໂດຍສະເພາະແນວຄິດຂອງເຂົາທີ່ຈະສ້າງກໍາແພງກັ້ນລະຫວ່າງສາຫະລັດກັບເມັກຊິໂກ ໂດຍໃຫ້ເມັກຊິໂກເປັນຄົນອອກຄ່າກໍ່ສ້າງເອງ.

ຊາວອາເມລິກັນຈໍານວນຫຼາຍບໍ່ເຫັນດີນໍາແນວຄິດຂອງທຣັມ  ໄດ້ຂຽນຂໍ້ຄວາມວ່າ “ ຄວາມຮັກສໍາຄັນກວ່າການຄຽດຊັງ” ແລະຂໍ້ຄວາມ “ ເຮົາຕ່າງກໍເປັນຜູ້ອົບພະຍົບດ້ວຍກັນທັ້ງນັ້ນ ” ມາຕິດໄວ້ທີ່ກໍາແພງຂອງລົດໄຟໃຕ້ດິນ ທີ່ສະຖານີຢູນຽນສະແຄວຣ ໃນແມນຮັດຕັນ ຊຶ່ງເປັນແນວຄິດຂອງສິລະປິນທີ່ມີຊື່ວ່າ ແມກທິວ ລີວີ ຊາເວຊ ໂດຍເຂົາເອີ້ນວ່າ ການບໍາບັດໂດຍສະຖານີລົດໄຟໃຕ້ດິນ ຊາເວຊ ບອກວ່າຫຼາຍມື້ທີ່ຜ່ານມາຊາວອາເມລິກັນມີຄວາມຄຽດຫຼາຍ ເຂົາຫວັງຈະໃຫ້ພື້ນທີ່ດັ່ງກ່າວເປັນພື້ນທີ່ໃຫ້ຄົນສະແດງຄວາມຄິດເຫັນ ຈຶ່ງໄດ້ເຊີນຊວນຜ່ານທາງອິນສຕາແກຣມ ໃຫ້ຄົນມາຮ່ວມຂຽນໂນດດ້ວຍກັນ ຊຶ່ງນັບເຖິງຕອນນີ້ ມີຂໍ້ຄວາມຕິດຢູ່ທີ່ກໍາແພງແລ້ວບໍ່ຕໍ່າກວ່າ 10,000 ແຜ່ນ.

ສ່ວນຊາວນິວຢອກທີ່ມາຮ່ວມຂຽນຂໍ້ຄວາມປະທ້ວງທຣັມບອກວ່າ ວິທີການນີ້ມີພະລັງຫຼາຍກວ່າການອອກໄປແຮ່ຂະບວນຕາມທ້ອງຖະໜົນ ເພາະທີ່ຜ່ານມາມີຜູ້ຊຸມນຸມຖືກຕໍາຫຫຼວດຈັບ ການສະແດງດ້ວຍວິທີນີ້ ເປັນສຽງຂອງປະຊາຊົນທີ່ຕ້ອງການການປ່ຽນແປງ ແລະບໍ່ຍອມຮັບຜົນການເລືອກຕັ້ງ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...