ວັນທີ 10 ພະຈິກ 2016 ທີ່ຜ່ານມາ ເວັບໄຊ໌ບີບີຊີ ລາຍງານຂ່າວ ຄຸກຫຼາຍແຫ່ງທີ່ປະເທດເນເທີແລນກຳລັງຕົກຢູ່ໃນພາວະວິກິດ ຂາດແຄນນັກໂທດຢ່າງໜັກ ຫຼ້າສຸດຈົນຕ້ອງໄດ້ຮັບນັກໂທດຈາກປະເທດນັອກເວມາຂັງເພື່ອເພີ່ມຈຳນວນ

ກ່ອນໜ້ານີ້ ປະເທດ ເນເທີແລນ ມີບັນຫານັກໂທດແອອັດເປັນອັນດັບຕົ້ນໆ ຂອງ ຢຸໂຣບ ແຕ່ໃນຊ່ວງໄລຍະສິບປີທີ່ຜ່ານມາປະກົດວ່າຈຳນວນຄົນທີ່ຕິດຄຸກຫຼຸດລົງເຖິງ 43%

ໂດຍສາເຫດດັ່ງກ່າວ ມາຈາກການປະຕິຮູບລະບົບຄຸກເຊັ່ນ: ການຊ່ວຍນັກໂທດແກ້ໄຂບັນຫາຢ່າງຖືກຈຸດ ຫາກນັກໂທດຕິດຢາເສບຕິດ ນັກໂທດຈະຖືກສົ່ງຕົວໄປບຳບັດ ຫາກນັກໂທດຕິດໜີ້ຈົນກໍ່ເຫດອາດຊະຍາກຳ ຈະສົ່ງນັກໂທດໄປປຶກສາຜູ້ຊ່ຽວຊານດ້ານການຈັດການໜີ້ສິນ ຫາກນັກໂທດມີບັນຫາດ້ານອາລົມ ຈະຖືກສົ່ງໄປເຂົ້າຄອສບຳບັດອາລົມ ນອກຈາກນີ້ ຍັງມີການຊ່ວຍເຫຼືອນັກໂທດໃນການປະກອບອາຊີບເຊັ່ນ: ການເຮັດອາຫານ ເປັນຕົ້ນ

ນອກຈາກນີ້ ຜູ້ທີ່ກະທຳຄວາມຜິດໃນຄະດີເດີມຊ້ຳ ຈະຖືກຈຳຄຸກ 2 ປີ ແລະ ຖືກສົ່ງເຂົ້າຄອສທີ່ວາງໄວ້ ຈົນເຮັດໃຫ້ມີນ້ອຍກວ່າ 10% ທີ່ຈະກະທຳຄວາມຜິດຊ້ຳ ແລະ ກັບເຂົ້າຄຸກໃໝ່ອີກຄັ້ງ

ສຸດທ້າຍ ການທີ່ປະເທດເນເທີແລນບໍ່ມີນັກໂທດ ກໍ່ເຮັດໃຫ້ຄຸກຫຼາຍແຫ່ງທະຍອຍປິດໄປ ໂດຍຫຼາຍໆທີ່ໄດ້ປັບປຸງໃຫ້ເປັນໂຮງແຮມຫຼູ ຮວມເຖິງໂຮງໝໍ ແຕ່ສຳລັບເຮືອນຈຳທີ່ຍັງເປີດຢູ່ ຫຼ້າສຸດພວກເຂົາຕ້ອງຫານັກໂທດເພີ່ມເພື່ອຮັກສາງານເອົາໄວ້ ເຖິງແມ່ນວ່າຈະເປັນການເອົານັກໂທດເຂົ້າຈາກຕ່າງແດນກໍ່ຕາມ ໂດຍສະເພາະນັກໂທດຈາກປະເທດນັອກເວ ທີ່ມາໃຊ້ບໍລິການຝາກນັກໂທດໄວ້ບ່ອນນີ້ເຖິງ 234 ຄົນ

ຂ່າວຈາກ: http://hilight.kapook.com/view/145017
ຕິດຕາມຂ່າວເສດຖະກິດລາວ ກົດໄລຄ໌ເລີຍ!