ຮອຍດຳຂອງຂີ້ແຮ້ ນັບວ່າເປັນບັນຫາໃຫຍ່ທີ່ສຸດ ທີ່ເຮັດໃຫ້ສາວໆຂາດຄວາມໝັ້ນໃຈ ບໍ່ວ່າຈະຕອນຍົກແຂນ, ໃສ່ເສື້ອກ້າມ, ເກາະເອິກ ແມ່ນຂາດຄວາມໝັ້ນໃຈທີ່ສຸດ ມື້ນີ້ແອັດມິນ ຈະມາແນະນຳວິທີ ກຳຈັດຮອຍດຳຂອງຂີ້ແຮ້ ແບບເຫັນຜົນທີ່ສຸດ ເພື່ອເຮັດໃຫ້ສາວໆ ມີຄວາມໝັ້ນໃຈຂຶ້ນ
- ໝາກນາວ ກັບນໍ້າເຜິ້ງ: ໂດຍເອົານໍ້າໝາກນາວ ປະສົມກັບນໍ້າເຜິ້ງ ແລ້ວທາລົງເທິງຜິວ ຈາກນັ້ນ ປະໄວ້ປະມານ 15 ນາທີ ແລ້ວລ້າງອອກ, ແລ້ວເຈົ້າຈະສັງເກດເຫັນຄວາມແຕກຕ່າງຢ່າງຊັດເຈນ
- ໝາກນາວ ກັບໝາກແຕງກວາ: ພຽງແຕ່ເອົານໍ້າໝາກນາວ ມາປະສົມກັບແຕງກວາ ແລ້ວເອົາໄປປັ່ນ ກັບຂີ້ໝິ້ນ ຈາກນັ້ນ ເອົາສ່ວນປະສົມນັ້ນ ໄປທາຂີ້ແຮ້ ປະໄວ້ 20 ນາທີ ເພື່ອປ່ອຍໃຫ້ສານອາຫານ ຊຶມເຂົ້າຜິວໜັງ ແລ້ວເຈົ້າກໍຈະໄດ້ຂີ້ແຮ້ທີ່ຂາວງາມ
- ໝາກນາວ ກັບແອັບເປິ່ນ: ໂດຍການເອົານໍ້າໝາກນາວ ມາປະສົມກັບແອັບເປິ່ນ (ຫາກນໍ້າແອັບເປິ່ນບໍ່ມີ ກໍສາມາດເອົານໍ້າອະງຸ່ນແທນໄດ້) ຈາກນັ້ນໃຫ້ໃຊ້ສຳລີ ມາຈຸບກັບນໍ້າທີ່ປະສົມກັນແລ້ວ ເອົາມາເຊັດບໍລິເວນຂີ້ແຮ້ ປະໄວ້ 20 ນາທີ ແລ້ວລ້າງອອກໃຫ້ສະອາດ, ເທົ່ານີ້ ຂີ້ແຮ້ກໍກັບມາຂາວຂຶ້ນໄດ້
- ໝາກແຕງກວາ ຫຼືມັນຝຣັ່ງ: ເອົາມາປາດເປັນປ່ຽງບາງໆ ແລ້ວປະໄວ້ຂີ້ແຮ້ ປະມານ 20 ນາທີ ເພາະສາມາດເຮັດໃຫ້ຂີ້ແຮ້ຂາວຂຶ້ນໄດ້
- ໝາກຂາມ ກັບນໍ້າເຜິ້ງ: ດ້ວຍການເອົາໝາກຂາມ 1 ກຳມື ມາປະສົມກັບນໍ້າເຜິ້ງ ແລ້ວມາທາກ້ອງວົງແຂນ ປະໄວ້ 5-10 ນາທີ ແລ້ວລ້າງອອກ ເຮັດອາທິດລະ 2 ເທື່ອ ຈະເຮັດໃຫ້ຂີ້ແຮ້ຂາວຂຶ້ນແນ່ນອນ
- ໝາກຫຸ່ງ: ໂດຍການເອົາໝາກຫຸ່ງສຸກ ມາປາດເປັນປ່ຽງບາງໆ ແລ້ວຖູຂີ້ແຮ້ ຈົນຮູ້ສຶກວ່າ ນໍ້າໃນໝາກຫຸ່ງໝົດ ເອນໄຊໃນໝາກຫຸ່ງ ຈະຊ່ວຍໃຫ້ຂີ້ແຮ້ຂາວຂຶ້ນ
ຕິດຕາມນານາສາລະ ກົດໄລຄ໌ເລີຍ!