ຊີວິດບັ້ນປາຍຂອງ ທ່ານ ພັນເອກ ບຸນເຮັ່ງ ໝັ້ນສຸລິດ ອະດີດພະນັກງານກະຊວງປ້ອງກັນສະຫງົບ
ຫຼັງເຂົ້າຮັບບຳນານ ກໍທຸ່ມເທເຮືອ ເຂົ້າໃນການຜະລິດກະສິກຳເປັນສິນຄ້າ ໂດຍສ້າງເປັນຟາມຫ້ວຍ
ຄູນນຳໂຊກ ຢູ່ບ້ານໂພນສະຫວັນ ເມືອງໄຊທານີ ເພື່ອເປັນບ່ອນຜະລິດອາຫານຄົບວົງຈອນຂາຍໃຫ້
ຊົນຊາວວຽງ.
ຟາມຫ້ວຍຄູນນຳໂຊກ ໄດ້ເຄື່ອນໄຫວກິດຈະການມາໄດ້ 4 ປີແລ້ວ ໂດຍວາງເປົ້າເຖິງ 10 ກວ່າໂຄງການ
ລ້ຽງ ແລະ ປູກໃນເນື້ອທີ່ 70 ເຮັກຕາ, ມາຮອດປະຈຸບັນ ການຕັ້ງປະຕິບັດເປົ້າໝາຍດັ່ງ ກ່າວກວມ 80%
ແລ້ວ, ຫຼາຍໂຄງການສຳເລັດ ແລະ ຂາຍອອກສູ່ຕະຫຼາດກາຍ ເປັນບ່ອນສ້າງລາຍຮັບໄດ້ຖາວອນ.
ທ່ານພັນເອກ ບຸນເຮັ່ງ ໝັ້ນສຸລິດ ພະນັກງານບຳນານເຈົ້າຂອງຟາມຫ້ວຍຄູນນຳໂຊກ, ບ້ານໂພນສະຫວັນ,
ເມືອງໄຊທານີ, ນະຄອນຫຼວງວຽງຈັນໃຫ້ສຳພາດຕໍ່ສື່ວ່າ:ດ້ວຍຈິດໃຈມັກຮັກການຜະລິດ ກະສິກຳມາແຕ່ໃດ
ບວກໃສ່ທິດນະໂຍບາຍສົ່ງເສີມຜະລິດເປັນສິນຄ້າຂອງພັກ ແລະ ລັດຖະບານຈິ່ງເປັນສາຍສະນວນສ້າງແຮງ
ບັນດ້ານໃຈສ້າງຟາມປູກຝັງ, ລ້ຽງສັດຫັນເປັນສິນຄ້າເທື່ອລະກ້າວ ແລະ ຟາມແຫ່ງນີ້ໄດ້ຮັບການພັດທະນາ
ມາ 4 ປີ ໂດຍເດີນຕາມເປົ້າໝາຍທີ່ວາງໄວ້ 12 ໂຄງການຄື: ໂຄງການລ້ຽງໝູພໍ່ແມ່ພັນ 500 ແມ່, ໝູຊີ້ນ
3000-4000 ໂຕ;ໂຄງການລ້ຽງປາ 2.530 ເຮັກຕາ, ເພື່ອປ່ອຍປາໃນລະດັບ 1 ລ້ານໂຕຂຶ້ນໄປ; ໂຄງການປູກ
ຫຍ້າ 10 ເຮັກຕາເພື່ອລ້ຽງສັດໃຫຍ່; ລ້ຽງງົວ 200-300 ໂຕ; ປູກສາລີ 30 ເຮັກຕາ; ເພາະພັນປາ; ລ້ຽງໄກ່ພັນ
ໄຂ່ 3040 ພັນໂຕ; ລ້ຽງໝູປ່າ, ລ້ຽງໄກ່, ເປັດພັນພື້ນບ້ານ.
ປະຈຸບັນ ບັນດາໂຄງການແມ່ນຖືກຈັດຕັ້ງປະຕິບັດເກືອບ 100% ເປັນຕົ້ນ ການລ້ຽງໄກ່ພັນໄຂ່ສາມາດຂາຍ
ໄຂ່ວັນລະເກືອບ 10 ພັນໜ່ວຍ; ໜອງປາເກືອບ 20 ເຮັກຕາ, ຂາຍປາປີແລ້ວເກີນ 200 ລ້ານ, ຂາຍໝູ, ຂາຍ
ງົວ, ເປັດ,ໄກ່ສາມາດສ້າງລາຍຮັບໄດ້ແຕ່ລະປີແບບຖາວອນ.
ແນວໃດກໍຕາມ ສຳລັບຟາມດັ່ງກ່າວ ກໍຍັງຕ້ອງການທຶນຕື່ມອີກຫຼາຍຕື້ກີບ, ເພື່ອເປັນທຶນໝູນວຽນ ແລະ
ພັດທະນາຕື່ມອີກເຮັດໃຫ້ມີປະສິດທິພາບ ແລະ ກາຍເປັນບ່ອນຜະລິດອາຫານລາຍໃຫຍ່ຂອງເມືອງໄຊທານີ
ສະໜອງໃຫ້ແກ່ນະຄອນຫຼວງວຽງຈັນໄດ້ຢ່າງພຽງພໍ, ດຽວນີ້ ຍັງລໍຖ້າລັດກໍ່ຄືທະນາຄານປ່ອຍເງິນໃຫ້ ຖ້າຫາກ
ວ່າບໍ່ໄດ້ຮັບທຶນກໍຈະເຮັດໃຫ້ການພັດທະນາຂອງຟາມຂະຫຍາຍຕົວຊ້າກວ່າແຜນ.
ຂອບໃຈບົດຂ່າວຈາກ: http://www.sedthakid.la/khao/19792.spc