ເມື່ອວັນທີ 12 ພະຈິກທີ່ຜ່ານມາ ຄະນະມົນຕີສະຖາບັນສິລະປະ ແລະ ເຕັກນິກຮູບເງົາຂອງອາເມລິກາໄດ້ມອບລາງວັນຜົນສຳເລັດຕະຫຼອດການໃຫ້ແກ່ທ່ານ Jackie Chan ນັກສະແດງຮູບເງົາຈີນລວມທັງນັກສະແດງອັງກິດ ແລະ ອາເມລິກາ 3 ທ່ານ, ເພື່ອຊົມເຊີຍການປະກອບສ່ວນທີ່ດີເດັ່ນໃນວົງການຮູບເງົາ. ໂດຍທ່ານ Jackie Chan ແມ່ນຊາວຈີນຜູ້ທຳອິດທີ່ໄດ້ຮັບລາງວັນອັນຊົງກຽດດັ່ງກ່າວ.
ທ່ານ Jackie Chan ກ່າວຫຼັງຮັບລາງວັນວ່າ: “ຜ່ານຈາກຄວາມຫ້າວຫັນມາເປັນເວລາ 50 ກວ່າປີໃນຂະແໜງການຮູບເງົາ, ຂ້າພະເຈົ້າໄດ້ຮັບລາງວັນອອສກ້າຫຼັງຖ່າຍຮູບເງົາ 200 ກວ່າເລື່ອງ ແລະ ຫຼາຍເທື່ອກໍປະສົບອຸບັດເຫດເປັນຕົ້ນໃຫ້ກະດູກຫັກ. ຂ້າພະເຈົ້າຂອບໃຈເຂດພິເສດຮົງກົງເຊິ່ງເປັນບ້ານເກີດເມືອງນອນຂອງຕົນ ແລະ ປະເທດຈີນເຊິ່ງເປັນປະຊາຊາດຂອງຕົນ ແລະ ຂ້າພະເຈົ້າພາກພູມໃຈທີ່ເກີດເປັນຄົນຈີນ.”
ຂ່າວຈາກ: http://laos.cri.cn/681/2016/11/14/222s208723_1.htm
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!