ອີງຕາມການລາຍງານຂອງສໍານັກຂ່າວປະເທດຈີນ ໃນວັນທີ 14 ພະຈິກ 2016 ວ່າ: “ຫຍູຊະວີ່” ໜຶ່ງໃນນັກບິນຮົບຍິງກຸ່ມທໍາອິດຂອງກອງທັບອາກາດຈີນ ຜູ້ຂັບເຄື່ອງບິນຂັບໄລ່ J-10 ປະສົບອຸປະຕິເຫດເສຍຊີວິດລະຫວ່າງການຝຶກຊ້ອມປະຈໍາວັນທີ່ມົນທົນເຫີເປ່ຍ ເມື່ອວັນທີ 12 ພະຈິກທີ່ຜ່າມມາ.
ເມື່ອອາທິດທີ່ຜ່າມມາ ລາວຍັງຮ່ວມສະແດງບິນຜາດໂຜນໃນງານແອຣໂຊວທີ່ຈູໄຫ່ ໂດຍຮັບສາຍຍາວ່າ “ນົກຍຸງທອງ” ເປັນນັກບິນ 1 ໃນ 4 ຄົນຂອງຈີນທີ່ສາມາດຂັບເຄື່ອງບິນຂັບໄລ່ J-10 ຮຸ່ນທີ 3 ໄດ້.
ຕາມການລາຍງານບອກວ່າ: ລະຫວ່າງລາວຝຶກບິນປະຈໍາວັນຮ່ວມກັບນັັກບິນຊາຍ 1 ຄົນ ໄດ້ເກີດອຸປະຕິເຫດຂຶ້ນ ໂດຍນັກບິນຊາຍທີ່ຝຶກບິນຮ່ວມກັນສາມາດດີດລອດຕົວອອກມາໄດ້ສໍາເລັດແຕ່ໄດ້ຮັບບາດເຈັບ ສ່ວນຕົວລາວບໍ່ສາມາດດີດລອດອອກມາໄດ້.
ທັ້ງນີ້ “ຫຍູຊະວີ່” ເກີດປີ 1986 ທີ່ເມືອງສົງໂຈວ ມົນທົນເສສວນ ໃນປີ 2005 ລາວເປັນໜຶ່ງໃນນັກຮຽນນາຍຮ້ອຍຍິງ 16 ຄົນ ທີ່ເສັງເຂົ້າ ແລະຮຽນຈົບໄດ້ນັກບິນຂອງກອງທັບອາກາດຈີນ ນອກຈາກນີ້ເມື່ອປີ 2009 ລາວຍັງໄດ້ເປັນສະມາຊິກໜຶ່ງໃນຝູງບິນໜ່ວຍບິນຜາດໂຜນ ຂອງກອງທັບປົດປ່ອຍປະຊາຊົນຈີນອີກດ້ວຍ.