ຫຼັງຈາກທີ່ຜູ້ຂຽນໄດ້ມີໂອກາດໄດ້ເບິ່ງຮູບເງົາອະນິເມຊັ່ນເລື່ອງ Your Name (Kimi no Nawa) – “ຫຼັບຕາຝັນ ເຖິງຊື່ເຈົ້າ” ພາຍໃນເລື່ອງນັ້ນເອກກະລັກເດັ່ນໆເລີຍກໍຄືສະຖານທີ່ຕ່າງໆແທບສະສົມຈິງຄືກັບວ່າມີຢູ່ແທ້ໆກັນເລີຍ ດ້ວຍງານພາບຂອງອາຈານ “ມາໂຄໂຕະ ຊິນໄຄ” ທີ່ເປັນຈຸດດຶງດູດຢ່າງໜຶ່ງໃຫ້ຜູ້ຂຽນເຂົ້າໄປຊົມ (ລວມເຖິງມີຄົນມາສະປອຍໃຫ້ຟັງວ່າເລື່ອງນີ້ຈົບແບບ Happy Ending ^^) ເລີຍເຮັດໃຫ້ຜູ້ຂຽນຕັດສິນໃຈໄປເບິ່ງຈົນໄດ້, ມາໃນມື້ນີ້ເລີຍຈະເອົາສະຖານທີ່ຕ່າງໆໃນເລື່ອງມາຝາກນຳກັນ ຈະເປັນສະຖານທີ່ໃດກັນແດ່ມາເບິ່ງນຳກັນເລີຍ.
1. ຕຶກ NTT Docomo Yoyogi Building ແຂວງໂຕກຽວ
ຕຶກສູງທີ່ຕັ້ງຢູ່ໃນເຂດຊິບຸຢະ ແຂວງໂຕກຽວ ມີອາຄານສູງ 240 ແມັດ ທີ່ສູງເປັນອັນດັບ 3 ຂອງຕຶກສູງໃນໂຕກຽວ ແລະໃນປີ ຄ.ສ 2002 ໄດ້ມີການຕິດຕັ້ງໂມງເທິງຍອດຕຶກ ເຮັດໃຫ້ກາຍເປັນຫໍໂມງທີ່ສູງທີ່ສຸດໃນໂລກ.
2. ຂົວລອຍໜ້າສະຖານີລົດໄຟ ຊິນາໂນະມາຊິ ແຂວງໂຕກຽວ
ຂົວລອຍໜ້າສະຖານີລົດໄຟ ຊິນາໂນະມາຊິ ເຂດຊິບຸຢະ ແຂວງໂຕກຽວ ແລະເມື່ອຂ້າມໄປຈະພົບກັບສະຖານທີ່ທ່ອງທ່ຽວທີ່ມີຊື່ວ່າ: Meiji Jingu Gaien ຖ້າໃຫ້ນັກທ່ອງທ່ຽວໄປສຳຜັດຢູ່
3. ສານເຈົ້າສຸກະ (Suga Shrine)
ຕັ້ງຢູ່ເຂດທີ່ຢູ່ອາໄສໃນເຂດ Shinjuku ເມື່ອຍ່າງຂຶ້ນໄປຕາມທາງຍ່າງນີ້ຈະຂຶ້ນໄປຈະພົບກັບ ສານເຈົ້າສຸກະ (Suga Shrine)
4. ອຸໂມງຂ້າມສີ່ແຍກ ໃນເຂດຊິນຈູກຸ ແຂວງໂຕກຽວ
ອຸໂມງຂ້າມສີ່ແຍກແຫ່ງນີ້ຕັ້ງຢູ່ໃນເຂດ ນິຊິ-ຊິນຈູກຸ (Nishi-Shinjuku)
5. ສູນຈັດສະແດງງານສິນລະປະແຫ່ງຊາດ (The National Art Center) ແຂວງໂຕກຽວ
ສູນຈັດສະແດງງານສິນລະປະແຫ່ງຊາດ (The National Art Center, Tokyo) ຕັ້ງຢູ່ໃນເຂດຣົບປົງຫງິ ເປັນພິພິທະພັນສິນລະປະທີ່ໃຫຍ່ທີ່ສຸດຂອງຍີ່ປຸ່ນ ເປີດໃຫ້ເຂົ້າຊົມໃນປີ 2007, ຢູ່ນີ້ແຕກຕ່າງຈາກບ່ອນອື່ນເພາະວ່າຈະບໍ່ມີການຈັດສະແດງສິນລະປະແບບຖາວອນ ແຕ່ຈະເປັນການຈັດສະແດງແບບຊົ່ວຄາວ ແລະເຄີຍມີການຈັດງານນິທົດສະການທີ່ມີຜູ້ເຂົ້າຊົມຫຼາຍທີ່ສຸດເປັນອັນດັບ 2 ຂອງໂລກນັບຕັ້ງແຕ່ເປີດໃຫ້ບໍລິການໃນປີທຳອິດ.
6. ເກາະໂອກະຊິມະ (Aogashima Island) ແຂວງໂຕກຽວ
“ເກາະໂອກະຊິມະ” ເກາະແຫ່ງນີ້ເປັນເກາະພູເຂົາໄຟທີ່ໄດ້ຮັບຂະໜານນາມວ່າ: “ເກາະເຂດຮ້ອນອັນລີ້ລັບຂອງປະເທດຍີ່ປຸ່ນ” ຫຼື (Japan’s Hidden Tropical Island) ເປັນເກາະພູເຂົາໄຟທີ່ຕັ້ງຢູ່ໃນທະເລຟິລິບປິນ ແລະຢູ່ຫ່າງຈາກກຸງໂຕກຽວໄປທາງທິດໃຕ້ ປະມານ 358 ກິໂລແມັດ.
7. ສະຖານີລົດໄຟ ຮິດະ-ຟຸຣຸຄາວະ (Hida-Furukawa Station) ແຂວງກິຟຸ
ສະຖານີລົດໄຟ ຮິດະ-ຟຸຣຸຄາວະ ທີ່ຕັ້ງຢູ່ໃນແຂວງກິຟຸ ປະເທດຍີ່ປຸ່ນ ໃນເມືອງຮິດະຟຸຣຸກາວະ ເຊິ່ງເປັນເມືອງທີ່ເກົ່າແກ່ທີ່ຖືກອະນຸລັກໄວ້ເປັນຢ່າງດີ ມີຂະໜາດນ້ອຍ, ງຽບສະຫງົບ ແລະເຕັມໄປດ້ວຍບ້ານບູຮານທີ່ຍັງເຫຼືອຢູ່.
8. ສານເຈົ້າຮິດະ-ຊັນໂນະກຸ ຮິເອ (Hida-Sannogu Hie Shrine) ແຂວງກິຟຸ
ສານເຈົ້າແຫ່ງນີ້ຕັ້ງຢູ່ໃນແຂວງກິຟຸ ຖືກໃຊ້ເປັນຕົ້ນແບບຂອງ Miyamizu Shrine ສານເຈົ້າທີ່ຢູ່ໃນເລື່ອງ, ສຳລັບສານເຈົ້າແຫ່ງນີ້ຖືກໃຊ້ເປັນສະຖານທີ່ຈັດງານ Takayama Festival ໜຶ່ງໃນເທດສະການປະເພນີທີ່ຍິ່ງໃຫຍ່ທີ່ສຸດຂອງຍີ່ປຸ່ນ ແຕ່ໃນອະນິເມະອາດມີຂະໜາດແຕກຕ່າງຈາກສະຖານທີ່ແທ້ຢູ່ແດ່.
9. ທະເລສາບຊູວະ (Lake Suwa) ແຂວງນາກາໂນ້
ທະເລສາບຊູວະ ແຫ່ງນີິຕັ້ງຢູ່ໃນແຂວງນາກາໂນ້ ເປັນໜຶ່ງໃນສະຖານທີ່ສຳຄັນທີ່ປະກົດຢູ່ໃນເລື່ອງ ແລະໃນລະດູຮ້ອນທະເລສາບແຫ່ງນີ້ຍັງມີການຈັດງານຊົມດອກໄມ້ໄຟທີ່ຍິ່ງໃຫຍ່ອີກງານໜຶ່ງຂອງປະເທດຍີ່ປຸ່ນອີກນຳ.
**ທ້າຍນີ້ຂໍປິດທ້າຍດ້ວຍໂຕລະຄອນທີ່ຜູ້ຂຽນມັກໃນເລື່ອງທີ່ສຸດ ^^ ພ້ອມກັບຕົວຢ່າງຮູບເງົາ**
______ Miki Okudera ______
ຕົວຢ່າງຮູບເງົາ
https://youtu.be/hRfHcp2GjVI
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station