ການແຂ່ງຂັນບານເຕະ AFC Solidarity Cup 2016 ຈັດການແຂ່ງຂັນຢູ່ທີ່ ປະເທດມາເລເຊຍ ລະຫວ່າງວັນທີ 02-15 ພະຈິກ 2016 ທີມຊາດລາວ ບໍ່ສາມາດຜ່ານ ທີມຊາດເນປານ ເຮັດໄດ້ພຽງ ເຂົ້າຊີງອັນດັບທີ 3 ເທົ່ານັ້ນ.
ໃນມື້ນີ້ວັນທີ 12 ພະຈິກ ເວລາ 15:30 ທີມຊາດລາວ ລົງສະໜາມແຂ່ງຂັນ ຮອບຮອງຊະນະເລີດ ພົບກັບ ທີມຊາດເນປານ ເຊິ່ງຈົບການແຂ່ງຂັນ 90 ນາທີ ສະເໝີກັນໄປ 1 ປະຕູຕໍ່ 1 ຕ້ອງໄດ້ຕໍ່ເວລາພິເສດອອກໄປອີກ 30 ນາທີ ແລະ ແຕ່ລະທີມກໍ່ຍິງເພີ່ມໄດ້ອີກ ທີມລະ 1 ປະຕູ ເຮັດໃຫ້ຈົບ 120 ນາທີ ສະເໝີກັນ 2 ປະຕູຕໍ່ 2 ຕ້ອງໄດ້ຕັດສິນ ໂດຍການດວນຈຸດໂທດ ແລະ ເປັນທາງ ທີມຊາດລາວ ທີ່ຍິງບໍ່ເຂົ້າເຖິງ 3 ລູກຕິດ ໃນຂະນະທີ ທີມຊາດເນປານ ສາມາດຍິງເຂົ້າ 3 ປະຕູລວດ ສົ່ງຜົນເຮັດໃຫ້ ທີມຊາດລາວ ເສຍການດວນຈຸດໂທໃຫ້ ທີມຊາດເນປານ 0 ປະຕູຕໍ່ 3.
ຕາຕະລາງແຂ່ງຂັນ ຊີງອັນດັບທີ 3 ຈະມີຂຶ້ນໃນວັນທີ 14 ພະຈິກ ເວລາ 18:30 ໂດຍທີ່ ທີມຊາດລາວ ຈະລົງສະໜາມແຂ່ງຂັນກັບ ຜູ້ເສຍລະຫວ່າງ ເຂດປົກຄອງພິເສດ ມາເກົ້າ ກັບ ທີມຊາດບຣູໄນ
ຜົນການແຂ່ງຂັນໃນນັດນີ້ ເຮັດໃຫ້ແຟນບານລາວ ທີ່ຕິດຕາມການແຂ່ງຂັນ ຜິດຫວັງພໍສົມຄວນ ແຕ່ເໜືອສິ່ງອື່ນໃດ ທັບນັກກິລາ ທີມຊາດລາວ ກໍ່ຍັງຕ້ອງການກຳລັງໃຈຈາກ ແຟນບານສະເໝີ ແລະ ເຮົາມາລູ້ນຕໍ່ໄປວ່າ ທີມຊາດລາວ ຈະສາມາດຄວ້າອັນດັບທີ 3 ມາຄອງ ໄດ້ຫຼືບໍ່ laosportnews ຂໍເຊີຍ ທີມຊາດລາວ ເຖິງວິນາທີສຸດທ້າຍ.
ຂອບໃຈພາບຈາກ the-afc.com
ຂອບໃຈຂ່າວຈາກ: 
span style=”color: #ff0000;”>ຕິດຕາມຂ່າວເສດຖະກິດລາວ ກົດໄລຄ໌ເລີຍ!