spot_img
Homeຂ່າວພາຍ​ໃນGoogle ຈະຖ່າຍແຜນທີ່ສະຕຣີດວິວໃນລາວ

Google ຈະຖ່າຍແຜນທີ່ສະຕຣີດວິວໃນລາວ

Published on

10526144_10152214475569149_583230945924128134_n

ໂດຍໄດ້ຮັບການຮ່ວມມືຈາກກະຊວງໄປສະນີ, ໂທລະຄົມມະນາຄົມແລະການສື່ສານຂອງສປປລາວ, Google ໄດ້ນໍາສະເໜີແຜນທີ່ Googleກັບສະຕຣີດວິວໃນລາວ, ເຊິ່ງເປັນນະວັດຕະກໍາທີ່ຈະປ່ຽນມຸມມອງແລະປະສົບການໃໝ່ໃນການເບິ່ງປະເທດແລະວັດທະນະທໍາໃຫ້ແກ່ຄົນລາວ ແລະນັກທ່ອງທ່ຽວຈາກທົ່ວໂລກ. ງານຖະແຫຼງຂ່າວໄດ້ຈັດຂຶ້ນທີ່ໂຮງແຮມດອນຈັນພາເລດ, ນະຄອນຫລວງວຽງຈັນ, ວັນທີ23 ກໍລະກົດ 2014.

 

Google ຈະເລີ່ມຖ່າຍພາບດ້ວຍການຂັບລົດໂດຍການຕິດກ້ອງແບບພິເສດ ໃນນະຄອນຫລວງວຽງຈັນເພື່ອເກັບກໍາເອົາຮູບພາບສໍາລັບການສ້າງພາບສະຕຣີດວິວ. ເຊິ່ງການສ້າງພາບແບບສະຕຣີດວິວໃນລາວນັ້ນGoogle ຫວັງເປັນຢ່າງຍິ່ງວ່າຈະຊ່ວຍໃນການນໍາສະເໜີປະເທດລາວໃນຮູບແບບໃໝ່ກ່ຽວກັບຄວາມມີເອກະລັກຂອງວັດທະນະທໍາລາວ ໃຫ້ແກ່ຊາວໂລກເຊິ່ງມັນຈະເປັນການຊ່ວຍສົ່ງເສີມອຸດສະຫະກໍາທ່ອງທ່ຽວຂອງລາວໃຫ້ມີການຂະຫຍາຍຕົວເພີ່ມຂຶ້ນອີກ.

 

ສະຕຣີດວິວເປັນຄຸນສົມບັດໜຶ່ງທີ່ໄດ້ຮັບຄວາມນິຍົມສູງຂອງແຜນທີ່ Google ເຊິ່ງປັດຈຸບັນແມ່ນມີຢູ່56 ປະເທດທົ່ວໂລກ ທີ່ຊ່ວຍໃຫ້ຜູ້ຄົນສາມາດສໍາຫລວດພື້ນທີ່ອ້ອມຮອບແລະການນໍາທາງຜ່ານລະບົບພາໂຣນາມາຂອງຮູບພາບສະຕຣີດວິວ. ໃນບັນດາປະເທດທີ່ມີສະຕຣີດວິວນັ້ນ ຜູ້ໃຊ້ສາມາດຊູມເບິ່ງຮູບພາບຂອງສະຖານທີ່ໃນແຜນທີ່ Google ໂດຍການດຶງພາບໄອຄອນຫຸ່ນຄົນສີສົ້ມ(Pegman) ຈາກທາງລຸ່ມເບື້ອງຂວາມືໄປໃສ່ຖະໜົນບ່ອນທີ່ທາສີຟ້າໄວ້.

 

ເລີ່ມແຕ່ມື້ນີ້ເປັນຕົ້ນໄປ, ລົດຖ່າຍພາບຂອງ Google ຈະເລີ່ມຖ່າຍພາບລະດັບຖະໜົນຕາມສະຖານທີ່ສາທາລະນະຕ່າງໆທົ່ວປະເທດ ໂດຍເລີ່ມຈາກນະຄອນຫລວງວຽງເປັນຈຸດທໍາອິດ. ເຊິ່ງກິດຈະກໍາດັ່ງກ່າວນີ້ແມ່ນເປັນການລົງທຶນ ໃນໄລຍະຍາວໂດຍມີຈຸດປະສົງໃນການຈັບຮູບພາບໃນທົ່ວປະເທດລາວໃນສອງສາມປີຕໍ່ໜ້າ.

 

Google ລໍຖ້າທີ່ຈະປະກາດເມື່ອຮູບພາບຂອງລາວພ້ອມທີ່ຈະແບ່ງປັນໃຫ້ທຸກຄົນໄດ້ເຫັນ ແລະຮູບພາບຕ່າງໆເຫຼົ່ານັ້ນຈະສາມາດເຂົ້າໄປເບິ່ງໄດ້ທີ່maps.google.la. ສໍາລັບຂໍ້ມູນເພີ່ມເຕີມກ່ຽວກັບສະຕຣີດວິວແລະວິທີໃຊ້ສໍາລັບການສັນທະນາການ ຫລືທາງທຸລະກິດສາມາດເຂົ້າໄປເບິ່ງໄດ້ທີ່google.com/streetview

 

ຂ່າວຈາກ ວາລະສານມະຫາຊົນ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...