​ໃນ​ວັນ​ທີ 10 ພະຈິ​ກນີ້, ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ ​ແຫ່ງ ສປປ ລາວ, ລັດຖະມົນຕີ​ກະຊວງ​ການ​ເງິນ ​ໄດ້​ຕ້ອນຮັບການ​ເຂົ້າ​ຢ້ຽມ​ຂໍ່ານັບ​ຂອງ​ ທ່ານ​ ນາງ Ms victroyia kwakwa ຮອງ​ປະທານ​ທະນາຄານ​ໂລກ​ ປະ​ຈໍາ​ພາກ​ພື້ນ​ອາຊີ​ຕາ​ເວັນ​ອອກ ພ້ອມ​ດ້ວຍ​ຄະນະ ໃນ​ໂອກາດ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ. ​ໃນ​ການປຶກສາ​ຫາລື​ກ່ຽວ​ກັບ​ໂຄງການ​ນໍ້າ​ເທີນ 2 ​ເພື່ອ​ເຮັດ​ແນວ​ໃດ​ໃຫ້​ໂຄງການ​ ສາມາດ​ເປັນ​ໂຄງການ​ຕົວ​ແບບ ​ແລະ ​ເປີດ​ໂຄງການ​ຢ່າງ​ເພິ່ງ​ພໍ​ໃຈ ພາຍ​ໃນ​ເດືອນ​ທັນວາ​ ປີ 2017 ນີ້.

ພ້ອມ​ດຽວ​ກັນ, ທ່ານນາງ Ms victroyia kwakwa ​ໄດ້​​ສະ​ແດງ​ຄວາມ​ຂອບ​ໃຈ ​ຕໍ່​ທ່ານຮອງ​ນາ ຍົກລັດຖະມົນຕີ ທີ່​ໄດ້​ສະຫລະ​ເວລາ​ອັນ​ມີ​ຄ່າ ຕ້ອນຮັບ​ຢ່າງ​ອົບ​ອຸ່ນ ​ໃນ​ຄັ້ງ​ນີ້. ພ້ອມ​ທັງ​ຂອບ​ໃຈ​ ຕໍ່ລັດຖະບານ​ລາວ ​ໃນ​ການ​ສະໜັບສະໜູນ​ ການ​ສ້າງ​ກອບ​ການ​ຮ່ວມ​ມື ລະຫວ່າງ ທະນາຄານ​ໂລກ ​ແລະ ສປປ ລາວ ແລະ ​ຂໍ​ຊົມ​ເຊີຍ​ລັດຖະບານ​ລາວ​ ໃນ​ການ​ນໍາ​ໃຊ້​ເງິນ​ຊ່ວຍ​ເຫລືອ​ເຂົ້າ​ໃນ​ ບັນດາ​ໂຄງການ​ຕ່າງໆ ​ຕາມ​ທີ່​ໄດ້​ຕົກລົງ​ກັນ ​ໂດຍ​ສະ​ເພາະແມ່ນ​ແຜນ​ງານ​ດຸ່ນດ່ຽງ​ງົບປະມານ ​ດ້ານ​ການ​ເຕີບ​ໂຕ​ສີຂຽວ. ພ້ອມ​​ນັ້ນ, ທະນາຄານ​ໂລກ ​ໄດ້​ຢືນຢັນ​ຈະ​ສືບ​​ໃຫ້ການ​ຊ່ວຍ​ເຫລືອ ​ແລະ ຈະເພີ່ມ​ທຶນ​ການ​ຊ່ວຍ​ເຫລືອ​ໃຫ້​ແກ່ ສປປ ລາວ ຕື່ມ​ອີກ.

ໃນ​ໂອກາດ​ນີ້, ທ່ານຮອງ​ນາຍົກລັດຖະມົນຕີ ກໍ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ, ຊົມ​ເຊີຍຕໍ່​ທ່ານ​ ນາງ Ms victroyia kwakwa ພ້ອມ​ຄະນະ​ໃນ​ຄັ້ງ​ນີ້. ​ເຊິ່ງຈະ​ເປັນ​ການ​ ປະກອບສ່ວນ​ອັນ​ສໍາ​ຄັນ​ ​​ເພື່ອສືບ​ຕໍ່​ເຂົ້າ​ໃນ​ການ​ຊ່ວຍ​ເຫລືອ​ ຂອງ​ທະນາຄານ​ໂລກ​ ຕໍ່​ລັດຖະບານ​ລາວ ​ໃນ​ການຈັດ​ຕັ້ງ​ປະຕິບັດ​ແຜນ 5 ປີ​ ທີ່​ຫາ​ກໍໍ່ຖືກ​ຮັບຮອງ, ພ້ອມ​ທັງ​ເປັນ​ການ​ແລກປ່ຽນ ບາງ​ຄວາມ​ຄິດ, ​ຄວາມເຫັນ ​ແລະ ຄວາມ​ເປັນ​ຫວ່ງກ່ຽວ​ກັບ ​ຄວາມ​ສ່ຽງ​ຂອງ​ສະພາບ​ເສດຖະກິດ​ມະຫາ​ພາກ.

ແຫລ່ງຂ່າວ: