ບໍລິສັດເຈເນີຣັລ ມໍເຕີ(ຈີເອັມ)ປົດພະນັກງານຫຼາຍກວ່າ 2 ພັນຄົນຢູ່ໃນອາເມລິກາ ເພາະຄວາມຕ້ອງການອ່ອນແອຕິດຕໍ່ກັນໃນຫຼາຍໄຕມາດ.
ຕາມຂ່າວຕ່າງປະເທດລາຍງານວ່າ ບໍລິສັດເຈເນີຣັລ ມໍເຕີ(ຈີເອັມ) ປະກາດປົດພະນັກງານຫຼາຍກວ່າ 2 ພັນຄົນຢູ່ໂຮງງານປະກອບລົດ 2 ແຫ່ງໃນລັດໂອໄຮໂອ ແລະ ມິຊິແກນ ໂດຍເລີ່ມຕັ້ງແຕ່ເດືອນມັງກອນປີ 2017, ຊຶ່ງ ຈີເອັມລະບຸວ່າ ຜູ້ບໍລິໂພກໄດ້ຫຼຸດຄວາມຕ້ອງການຊື້ລົດສ່ວນບຸກຄົນ ຂະນະທີ່ເພີ່ມຄວາມຕ້ອງການໃນລົດບັນທຸກ ແລະ ລົດຂັບເຄື່ອນ 4 ລໍ້ ອະເນກປະສົງ(ເອສຢູວີ).
ທັງນີ້ ຈີເອັມ ເປີດເຜີຍວ່າ ທາງບໍລິສັດຈະຍົກເລີກການເຮັດວຽກໃນກະທີ 3 ຢູ່ໂຮງງານໃນເມືອງລອດສທາວ ລັດໂອໄຮໂອ ແລະ ເມືອງແລນຊິງ ລັດມິຊິແກນ ເນື່ອງຈາກພາວະຕະຫຼາດປ່ຽນໄປ.
ຈາກໜັງສືພິມເສດຖະກິດ-ສັງຄົມ