ແພດຈີນອອກເຕືອນ ການສັກແຂ້ວ ເຮັດໃຫ້ແຂ້ວເສຍຫາຍຖືກທຳລາຍ ບໍ່ຄຸ້ມຄ່າຕໍ່ສຸຂະພາບແຂ້ວ
ແລະ ບໍ່ຄວນຮິດຕາມກະແສ ຫຼັງໄວໜຸ່ມນະຄອນຊຽງໄຮ້ ນິຍົມຈ່າຍເງິນສັກແຂ້ວໜ້າ ເປັນແຟຊັ້ນ
ໃໝ່ໃນຈີນ.
ສື່ຊັ່ງໄຫ່ ໄດລີ່ ຂອງຈີນ ລາຍງານເມື່ອວັນທີ 21 ກໍລະກົດ ອອກຄຳເຕືອນຂອງຜູ້ຊ່ຽວຊານການແພດ
ເຖິງຄວາມສ່ຽງຂອງການສັກແຂ້ວເປັນຮູບພາບຕ່າງໆ ຫຼັງຈາກມີກະແສນິຍົມເກີດຂຶ້ນໃໝ່ໃນຊຽງ
ໄຮ້. ລາຍງານໄດ້ກ່າວວ່າ ການສັກແຂ້ວເລີ່ມເປັນທີ່ນິຍົໃນໝູ່ຄົນມັກແຟຊັ້ນແປກໆແຫວກແນວ
ໃນປະເທດສະຫະລັດອາເມລິກາ ແລະ ຍີ່ປຸ່ນມາຫຼາຍສິບປີແລ້ວ ເຊິ່ງລ່າສຸດໄດ້ມາລະບາດຢູ່ທີ່ຊຽງໄຮ້
ປະເທດຈີນ ໃນຂະນະທີ່ລາຄາຂອງການສັກແຂ້ວ ແມ່ນມີຕັ້ງແຕ່ 75 ໂດລາ ໄປຈົນເຖິງ 200 ໂດລາ
ຕໍ່ແຂ້ວໜຶ່ງເຫຼັ້ມ.
ທ່ານ ຊູ່ ໄປ່ຫວາ ປະທານສະຖານພະຍາບານຄວາມງາມ ກ່າວກັບສື່ຊັ່ງໄຫ່ ໄດລີ່ວ່າ ທັນຕະແພດມັກ
ຈະໄດ້ຮັບການຮ້ອງຂໍຈາກໄວລຸ້ນ ໃຫ້ສັກແຂ້ວໜ້າຂອງເຂົາ ເຖິງແມ່ນວ່າເຕັກນິກໃນການສັກຈະບໍ່
ຫຍຸ້ງຍາກ ແຕ່ແພດກໍຈະເຕືອນວ່າບໍ່ໃຫ້ສັກ ພ້ອມທັງອະທິບາຍເຖິງຄວາມສ່ຽງທີ່ຈະເຮັດໃຫ້ແຂ້ວ
ເສຍຫາຍຖືກທຳລາຍ ຕະຫຼອດຮອດການພິມຮູບພາບຕ່າງໆເທິງຜິວແຂ້ວ ກໍອາດຈະເຮັດໃຫ້ເກີດ
ອາການແພ້ ແລະ ການສັກແຂ້ວໂດຍການເຈາະຊັ້ນຜິວເຄືອບແຂ້ວນັ້ນ ກໍເປັນການທຳລາຍແຂ້ວ
ໂດຍກົງ.
ທ່ານ ຝູ ຟູ່ເກິນ ຜູ້ອຳນວຍການໂຮງໝໍແຂ້ວກ່າວວ່າ ບໍ່ສະໜັບສະໜູນແຟຊັ້ນການສັກແຂ້ວຂອງ
ໄວໜຸ່ມໃນປະຈຸບັນ, ແຕ່ເຖິງຢ່າງໃດກໍຕາມ ຍັງຄົງມີຄລີນັກທັນຕະກຳ ຫຼື ຄລີນິກສັນຍະກຳບາງແຫ່ງ
ຍັງຄົງເປີດດໃຫ້ບໍລິການສັກແຂ້ວຢູ່ ໂດຍບໍ່ສົນໃຈຕໍ່ກັບຄຳແຈ້ງເຕືອນດັ່ງກ່າວແຕ່ຢ່າງໃດ.
 |